Bugun,

  • USD 10940.05
  • RUB 182.26
  • EUR 11121.65

Xitoyning BYD firmasi hamda dunyodagi eng yirik taksi agregatlaridan biri bo‘lgan DiDi kompaniyasi taksichilar va mashinani qisqa muddatga ijaraga beruvchilar uchun ideal avtomobilni taqdim etdi. BYD D1 elektrokari tijoriy ekspluatatsiya hamda yo‘lovchilarning chiqish/tushish qulayligi hisobga olingan holda yaratilgan. Yangi elektromobillarning partiyasi yil oxiriga qadar DiDi avtoparkini to‘ldiradi, deb xabar beradi Motor.

Foto: Info.xcar.com.cn

Foto: Info.xcar.com.cn
Uzunligi bo‘yicha BYD D1 (4390 millimetr) Hyundai Solaris kabi, biroq Xitoy elektromobilining kuzovi ikki hajmli — baland (1650 millimetr) va keng (1850 millimetr). Qiziqarli jihati — suriladigan o‘ng orqa eshigining elektr uztamali ekanligi.

BYD D1’ning g‘ildiraklar bazasi 2800 millimetrni tashkil etadi va shu sababli elektromobil ushbu ko‘rsatkich bo‘yicha Toyota Camry’dan biroz “orqada”. Markaziy tunnel yo‘q, shift qismi baland. Shassilar orqa o‘rindiqdagi yo‘lovchilar qulay joylashishi hisobga olingan holda yaratilgan.

Foto: Info.xcar.com.cn

Foto: Info.xcar.com.cn

Salon ichidagi o‘rindiqlar va eshiklarning kartlari yemirilishga bardoshli materiallardan ishlangan. Shuningdek, isitgich, konditsioner, oynani elektr boshqarish funksiyasi hamda yo‘lovchilari uchun bir juft tachpadlar bor. Haydovchiga mo‘ljallangan yordamchilar qatoridan kruiz-nazorat, avtomatik tormozlanish tizmi hamda orqani kuzatish imkonini beradigan kamera o‘rin olgan.

Foto: Info.xcar.com.cn

Foto: Info.xcar.com.cn

Haydovchining qarshisida raqamli tablo joylashgan bo‘lib, 10,1 dyuymli tachskrinda buyurtmalarga oid axborot-ko‘ngilochar ma’lumotlar taqdim etiladi. Mashina kapoti ostida 136 ot kuchiga ega sinxron elektrodvigatel joylashgan. U bir marta quvvatlanish orqali 418 kilometr yo‘l bosa oladi. Batareyalar sig‘imi haqida ma’lumot berilmagan, biroq u litiy-fosfatli ekanligi ma’lum.

Foto: Info.xcar.com.cn

Foto: Info.xcar.com.cn

Foto: Info.xcar.com.cn

Foto: Info.xcar.com.cn

Yuzni tanish tizimi, shuningdek, videoregistrator xavfsiz safar qilishni kafolatlaydi — haydovchi yo‘l harakati qoidalariga oid qo‘pol xatolarga yo‘l qo‘ysa, buyurtmalar qabul qilishdan mahrum etiladi. Jahldor yo‘lovchilardan haydovchini favqulodda yordam chaqirish imkonini beradigan yashirin tugma himoya qiladi

BYD D1 erkin savdolarga chiqishi dargumon: agarda elektromobil o‘zini oqlasa DiDi servisi o‘zining eski taksilarini butun Xitoy bo‘ylab yangi avtomobilga almashtiradi. Modelning sinov jarayonlari dekabrdan boshlanadi.

Izoh
Asosiy yangiliklar
Dunyo
Irlandiyadagi qamoqxonada “buyuk qochish”, sakkiz soatli ish rejimini qo‘llagan Genri Ford va qon quyish bo‘yicha birinchi muvaffaqiyatli amaliyot. Kun xronologiya...
Mahalliy
“Daryo” reportaji: Namangandan topilgan zardushtiylar ibodatxonasining dunyoda tengi yo‘qligi aytilmoqda. Bu yerdagi 70 ta otashkadada tun-kun olov yonib turgan (v...
Madaniyat
O‘zbekistonda o‘tkazilgan Mokkoji Korea festivali va K-pop konserti — suratlarda