Хитойнинг Google билан таққосланувчи Baidu технологик компанияси 2023 йилда ўзининг «ақлли» электрокарини тақдим этишни режалаштирилмоқда. Автомобильни яратиш билан компаниянинг Jidu Auto шўъба корхонаси шуғулланиб, у ўзида хитойликларнинг келажак машиналари ҳақида тасаввурларини мужассам этади. Бу ҳақда Baidu раҳбари Ли Янхун Сунъий интеллект бўйича халқаро конференцияда маълум қилди, деб хабар беради Motor.
Компания бош директорининг таъкидлашича, ҳозирда кўпчилик замонавий автомобилларни ғилдираклар устидаги компьютерлар сифатида қабул қилмоқда, келажакда эса машиналар умуман роботларга ўхшаш бўлади. Baidu 2023 йилга қадар ўзининг «ақлли» электрокарини тақдим этиш орқали бунга ҳисса қўшишни режалаштирган. Машина акцияларининг 45 фоизи Хитойдаги энг йирик автомобиль ишлаб чиқарувчилардан бири — Geely’га тегишли Jidu Auto шўъба корхонаси томонидан ишлаб чиқарилади.
Insideevs нашрининг ёзишича, Jidu’нинг илк модели 2022 йили Пекинда ўтказиладиган автосалон доирасида концепт мақомида тақдим этилади. Келажак «электрокар-роботи»нинг тахминий нархи ҳам эълон қилинган: 200 минг юандан ортиқ (30 минг доллар).
Ли Янхуннинг ҳисоблашича, келажак автомобили автоном тизимларга эга бўлиб, фожиавий ЙТҲлар статистикасини ўзгартира олади, чунки уларнинг аксарияти инсон омили сабаб юзага келади. Унинг сўзларига кўра, ҳар йили бутун дунё бўйлаб авариялар оқибатида 1,35 миллионда яқин одам ҳалок бўлади.
Эслатиб ўтамиз, 2021 йилнинг январида BAIC концернига тегишли Arcfox маркаси бир марта қувватланиш орқали 708 км йўл босишга қодир Tesla «қотили»ни тақдим этганди.
Мавзуга доир: Хитойда таксичилар учун идеал автомобиль тақдим этилади
Изоҳ (0)