Turkiya sharqidagi Van viloyati Muradiyo tumanida noqonuniy muhojirlar o‘tirgan mikroavtobus halokatga uchradi, oqibatda 12 kishi halok bo‘lib, 20 kishi jabrlandi. Bu haqda Anadolu agentligi xabar bermoqda.
Avariya sababli mikroavtobus ag‘darilib ketib, so‘ng yonib ketgan. Voqea joyiga Favqulodda vaziyatlar va tabiiy ofatlar oqibatlarini bartaraf etish boshqarmasi xodimlari, politsiyachilar va shifokorlar yetib kelgan. Yaralanganlar yaqin oradagi kasalxonalarga yetkazilgan.
Van viloyati Eron bilan chegaradosh bo‘lib, Afg‘oniston va Pokistondan chiqqan muhojirlar uchun tranzit hudud hisoblanadi. Ular Turkiya chegaralarini noqonuniy tarzda kesib o‘tib, Yevroittifoq mamlakatlariga yetib olishga urinadi.
Eslatib o‘tamiz, avvalroq Turkiyaning Fathiye shahri yaqinidagi sohilda Belchekiz plyajidan 50 metr masofada ekskursiya safari uyushtirayotgan qayiq cho‘kib ketgandi. Qayiq bortida 38 kishi bo‘lgan. Hodisa oqibatida 2 yoshli bola halok bo‘ldi, kattalardan ikki kishi jarohat oldi.
Mavzuga doir:
- Rossiyaning Kamchatka o‘lkasida bortida 28 kishi bo‘lgan samolyot dengizga qulab tushdi
- Filippinda harbiy samolyot halokati qurbonlari soni 45 kishiga yetdi
- Indoneziyada bortida 56 nafar odam bo‘lgan kema cho‘kib ketdi (video)
- Rossiyada parashyutchilar o‘tirgan samolyot qulab tushdi, to‘rt kishi halok bo‘ldi (video)
Izoh (0)