Туркия шарқидаги Ван вилояти Мурадиё туманида ноқонуний муҳожирлар ўтирган микроавтобус ҳалокатга учради, оқибатда 12 киши ҳалок бўлиб, 20 киши жабрланди. Бу ҳақда Anadolu агентлиги хабар бермоқда.
Авария сабабли микроавтобус ағдарилиб кетиб, сўнг ёниб кетган. Воқеа жойига Фавқулодда вазиятлар ва табиий офатлар оқибатларини бартараф этиш бошқармаси ходимлари, полициячилар ва шифокорлар етиб келган. Яраланганлар яқин орадаги касалхоналарга етказилган.
Ван вилояти Эрон билан чегарадош бўлиб, Афғонистон ва Покистондан чиққан муҳожирлар учун транзит ҳудуд ҳисобланади. Улар Туркия чегараларини ноқонуний тарзда кесиб ўтиб, Евроиттифоқ мамлакатларига етиб олишга уринади.
Эслатиб ўтамиз, аввалроқ Туркиянинг Фатҳие шаҳри яқинидаги соҳилда Белчекиз пляжидан 50 метр масофада экскурсия сафари уюштираётган қайиқ чўкиб кетганди. Қайиқ бортида 38 киши бўлган. Ҳодиса оқибатида 2 ёшли бола ҳалок бўлди, катталардан икки киши жароҳат олди.
Мавзуга доир:
Изоҳ (0)