Gollivudning eng maftunkor va mahoratli aktrisalarining hayotida muhim rol o‘ynagan erkaklar haqida ma’lumot berib o‘tamiz.
Meril Strip
“Oskar” mukofotini qo‘lga kiritish bo‘yicha rekordchi hisoblangan Meril o‘ziga xos rollari va kiyinish uslubi bilan barchaga ma’lum. Aktrisaning shaxsiy hayoti qiyinchiliklarga boy bo‘lgan. Qaylig‘i Jon Kazale o‘pka saratonidan vafot etgan. Keyinroq “Oddiy qiyinchiliklar” filmi yulduzi Don Gammerni turmush o‘rtoq sifatida tanlagan. Aktrisa oilasini ham ishi bilan birga eplashni uddasidan chiqadi. Uning Genri ismli o‘g‘li va Meri, Greys va Luiza ismli qizlari bor.
Juliya Roberts
Aktrisaning hayotida turli insonlar bo‘lgan. Kantri uslubida ijod qiladigan xonanda va aktyor Layl Lovett bilan turmushi omadsiz bo‘lganidan keyin kinooperator Deniel Moderga turmushga chiqqan. 20 yildan buyon birga hayot kechirib kelayotgan juftlikning uch nafar Xeyzel, Finneas va Genri ismli farzandlari bor.
Skarlett Yoxansson
Gollivud yulduzi Rayan Reynoldsga turmushga chiqqan aktrisa ikki yil o‘tib u bilan ajrashgan. Jurnalist Romen Doriak bilan oila qurishga urinishi ham omadsiz bo‘lgan. Turmushi davomida Rouz ismli qizni dunyoga keltirgan. Keyinroq mashhur komik va ssenariy muallifi Kolin Jostga yashirincha turmushga chiqqan. Sal avvalroq aktrisaning ikkinchi marta homilador ekani haqida ma’lumot berilgan.
Enn Xeteuey
“Malikaning kundaligi” filmi yulduzi hayotini italiyalik biznesmen Rafaello Foleri bilan bog‘lab xato qilgan. Deyarli 4 yil birga yashaganidan keyin aktrisa qaylig‘ining muttaham ekanini bilib qolgan. Tadbirkor xayriya fondidan 50 million dollar o‘zlashtirishda ayblangan. Shundan keyin Enn dizayner Adam Shulman bilan uchrasha boshlagan. Juftlikning ikki nafar: Jonatan va Jek ismli farzandi bor.
Megan Foks
Model va aktrisa 16 yoshida Brayan Ostin Grin bilan munosabatda bo‘lgan va farzandlari – Noa, Bodi hamda Jornini dunyoga keltirgan. Bir-birini tushuna olmagan juftlik alaloqibat ajralishga qaror qilgan. Bunga Meganning musiqachi Kolson Baykerni sevib qolgani sabab bo‘lgan.
Izoh (0)