Голливуднинг энг мафтункор ва маҳоратли актрисаларининг ҳаётида муҳим рол ўйнаган эркаклар ҳақида маълумот бериб ўтамиз.

Мерил Стрип

«Оскар» мукофотини қўлга киритиш бўйича рекордчи ҳисобланган Мерил ўзига хос роллари ва кийиниш услуби билан барчага маълум. Актрисанинг шахсий ҳаёти қийинчиликларга бой бўлган. Қайлиғи Жон Казале ўпка саратонидан вафот этган. Кейинроқ «Оддий қийинчиликлар» фильми юлдузи Дон Гаммерни турмуш ўртоқ сифатида танлаган. Актриса оиласини ҳам иши билан бирга эплашни уддасидан чиқади. Унинг Генри исмли ўғли ва Мери, Грэйс ва Луиза исмли қизлари бор.

Жулия Робертс

Актрисанинг ҳаётида турли инсонлар бўлган. Кантри услубида ижод қиладиган хонанда ва актёр Лайл Ловетт билан турмуши омадсиз бўлганидан кейин кинооператор Дэниэл Модерга турмушга чиққан. 20 йилдан буён бирга ҳаёт кечириб келаётган жуфтликнинг уч нафар Хейзел, Финнеас ва Генри исмли фарзандлари бор.

Скарлетт Йоханссон

Голливуд юлдузи Райан Рейнолдсга турмушга чиққан актриса икки йил ўтиб у билан ажрашган. Журналист Ромен Дориак билан оила қуришга уриниши ҳам омадсиз бўлган. Турмуши давомида Роуз исмли қизни дунёга келтирган. Кейинроқ машҳур комик ва сценарий муаллифи Колин Жостга яширинча турмушга чиққан. Сал аввалроқ актрисанинг иккинчи марта ҳомиладор экани ҳақида маълумот берилган.

Энн Хетеуэй

«Маликанинг кундалиги» фильми юлдузи ҳаётини италиялик бизнесмен Рафаэлло Фолери билан боғлаб хато қилган. Деярли 4 йил бирга яшаганидан кейин актриса қайлиғининг муттаҳам эканини билиб қолган. Тадбиркор хайрия фондидан 50 миллион доллар ўзлаштиришда айбланган. Шундан кейин Энн дизайнер Адам Шулман билан учраша бошлаган. Жуфтликнинг икки нафар: Жонатан ва Жек исмли фарзанди бор.

Меган Фокс

Модель ва актриса 16 ёшида Брайан Остин Грин билан муносабатда бўлган ва фарзандлари – Ноа, Боди ҳамда Жорнини дунёга келтирган. Бир-бирини тушуна олмаган жуфтлик алалоқибат ажралишга қарор қилган. Бунга Меганнинг мусиқачи Колсон Байкерни севиб қолгани сабаб бўлган.