Gollivud yulduzlari — Juliya Roberts, Anjelina Joli va boshqalarning qizlari qanday ko‘rinishga ega (foto)

Kinosanoatda nafaqat ijro mahorati balki takrorlanmas go‘zallikka ega bo‘lgan maftunkor aktrisalarning qizlari ham sohibjamollikda o‘zlaridan qolishmaydi.

Uma Turmanning qizlari — Maya Xouk va Rozalind Byusson

Aktrisa Uma Turman uch marotaba oila qurgan, birinchi turmushi Geri Oldmendan farzandli bo‘lmagan. Ikkinchi marta Itan Xoukka turmushga chiqqan va Maya va Levon ismli farzandlarni dunyoga keltirgan.

Arpad Bryuss bilan turmushi davomida esa Rozalind ismli qizi tug‘ilgan. U farzandlari, xususan, uning izidan ketgan katta qizi bilan faxrlanadi. Qaddi-qomati kelishgan va sohibjamol Maya aktrisa sifatida onasi singari kinosanoatda o‘z o‘rnini topishni istaydi.

Juliya Robertsning qizi — Xeyzel Moder

Birinchi turmushi Layl Lovettdan o‘z baxtini topa olmagan aktrisa ikkinchi marta kinooperator Deniel Moder bilan oila qurgan va egizak farzandlar — Xeyzel Patrisha Finneas Uolterni dunyoga keltirgan.

Oradan uch yil o‘tib o‘g‘li Genri Deniel tug‘ilgan. Juliyaning muxlislari qiziga xushomad qilishdan charchamaydi. Go‘zal qizga o‘zini moda sanoatida sinab ko‘rish tavsiya qilinadi.

Anjelina Jolining qizlari

Gollivud yulduzining uch nafar qiz va uch nafar o‘g‘li bor. Meddoks, Paks va Zaxarani bolalar uyidan asrab olgan aktrisa Shayloni Bred Pitt bilan turmushi davomida dunyoga keltirgan. Oradan ikki yil o‘tib egizaklar Viven va Noks tug‘ilgan. Muxlislar juftlikning kenja qizini xuddi o‘ziga quyib qo‘ygandek o‘xshashini aytadi.

Yuz tuzilishi, moviy ko‘zlari va sochlarining ochligi ham Joli, ham Bredga o‘xshab ketadi.

Riz Uizerspunning qizi —Ava Fillipp

Aktrisaning uch nafar farzandi bor. To‘ng‘ich farzandi Ava Elizabet va o‘g‘li Dikon Rayan Filipp bilan turmushi davomida, Tennisini esa hozirgi umr yo‘ldoshi Jim Tota bilan turmushi davomida dunyoga keltirgan.

Qizi Ava onasiga shunchalik o‘xshaganidan muxlislar aksariyat hollarda uni Riz bilan adashtiradi. Moviy ko‘zlari, uzun malla sochlari va yoqimli tabassumi xuddi onasiga o‘xshaydi.

Gvinet Peltrouning qizi — Eppl Martin

Gvinet Coldplay guruhi musiqachisi Kris Martin bilan turmushi davomida Eppl va Mozes Bryusni dunyoga keltirgan. Tug‘ruqdan keyin depressiyaga tushgan Gvinet 10 yillik turmush o‘rtog‘i bilan ajrashib, do‘st bo‘lib qolishni afzal bilgan. Ikkinchi marta umr yo‘ldosh sifatida prodyuser Bred Felchakni tanlagan.

Qizi Epplning tashqi ko‘rinishi ham onasiga o‘xshaydi. Ko‘zlarining moviyligi, sochlarining tekisligi va hatto sepkillari ham onasidan o‘tgan.