Anjelina Joli va Bred Pitt hamda farzandlariga vasiylik qilish huquqi uchun sudlashgan boshqa mashhur ota-onalar

Quyidagi taniqli juftliklar farzandlariga vasiylik qilish huquqi uchun yillar davomida sudlashgan.

Anjelina Joli va Bred Pitt

Anjelina Joli va Bred Pitt to‘qqiz yillik munosabatlardan so‘ng 2014-yil avgustda turmush qurishgan. Er-xotin olti nafar bolani tarbiyaladi, ularning uchtasi asrab olingandi. 2016-yilda yulduzlar muxlislari va hamkasblari uchun kutilmaganda ajrashishlarini e’lon qildi va vasiylik qilish huquqini talasha boshladi. Joli erining tarbiya usullari va jahldorligidan norozi edi. Bred ham o‘z navbatida, bu ayblovlarni rad etdi. Vaziyat faqat 2021-yilda hal qilindi, aktyor bolalariga birgalikda vasiylik qilish huquqini olishga muvaffaq bo‘ldi.

Britni Spirs va Kevin Federlayn

Britni Spirs va Kevin Federlayn 2007-yilda ajrashishgan, ammo hali ham o‘g‘illari Shon va Jadenga vasiylik qilish masalasida kelisha olmagan. Sud qarori bilan pop-malika har oy sobiq turmush o‘rtog‘iga 35 ming dollar aliment to‘laydi va vaqtining faqat uchdan bir qismini bolalari bilan o‘tkazishi mumkin. Insayderlarning fikriga ko‘ra, Spirs Federlayn bilan farzand tarbiyalashda teng huquqqa erishmoqchi, ammo buning amalga oshishi juda qiyin. Chunki Britnining o‘zi 13 yildan beri otasining to‘liq nazorati ostida.

 Skarlett Yoxansson va Romen Doriak

2017-yilda Skarlett Yoxansson eri Romen Doriak bilan qizi Rouzni tarbiyalash shartlari to‘g‘risida kelisha olmaganidan keyin sudga murojaat qilgan. Aktrisa va fransuz jurnalisti 2012-yilda uchrasha boshlagan, ammo uzoq vaqt birga yashashmadi. Yulduzning so‘zlariga ko;ra, ajralishdan boshqa yo‘l yo‘q edi. Keyin Romen qizini to‘liq qaramog‘iga olishni rejalashtirayotganini e’lon qildi va Skarlettni yomon ona deb atadi. Ammo aktrisa o‘z huquqlarini himoya qilishga muvaffaq bo‘ldi.

Chenning Tatum va Jenna Devan 

2019-yilda Jenna Devan va Chenning Tatum to‘qqiz yillik turmushidan ajralishdi. O‘sha paytda ularning qizi Everli olti yoshda edi. Dastlab ular vasiylik huquqini o‘zlari hal qilishga urinishgan, ammo kelisha olishmagan. Chenning Tatum Everli bayram kunlari va ta’tilini kim bilan o‘tkazishini aniqlash va qizi bilan uchrashuvlar jadvalini tuzishni so‘rab sudga murojaat qilgan. Natijada sobiq er-xotinlar teng huquqli vasiylarga aylanib, kelishuvga erishgan.

Uma Turman va Arpad Byusson

Uma Turman va Arpad Byusson yetti yil birga yashab, 2014-yilda ajralishdi. O‘sha paytda qizi Lunaga vasiylik qilish uchun uzoq davom etgan kurash boshlandi. Aktrisa va biznesmen o‘rtasidagi sud qariyb ikki yil davom etdi va shu vaqt ichida erkak sudni sobiq rafiqasi ruhiy jihatdan beqaror va qaramlikdan aziyat chekayotganiga ishontirishga urindi. Ammo Nyu-York sudi Arpadning dalillariga quloq solmadi va vasiylik huquqini Umaga berdi.