Jons Hopkins universiteti ma’lumotlariga ko‘ra, dunyoda koronavirusga chalinganlar soni 182 204 857 kishini tashkil qilmoqda, shularning 3 947 035 nafari kasallikdan vafot etgan.
Kasallanish holatlari soni bo‘yicha AQSh (33,6 million), Hindiston (30,4 million), Braziliya (18,5 million), Fransiya (5,8 million) va Rossiya (5,4 million) yetakchilik qilmoqda.
“Qora zamburug‘” yoki mukormikoz bilan kasallanish oldini olish uchun COVID-19’ni davolashda gormonal dorilar va antibiotiklardan foydalanishni kamaytirish, shuningdek, biotibbiy uskunalarga sanitar ishlov berishga diqqat bilan yondashish kerak. Bunday tavsiyalarni Jahon sog‘liqni saqlash tashkiloti (JSST)ning Rossiyadagi vakili Melita Vuynovich aytib o‘tdi.
Uning aniqlik kiritishicha, Hindistonda COVID-19’ga chalingan bemorlarda aniqlangan bir qator zamburug‘li infeksiyalar mog‘or yoki drojji bilan bog‘liq. Ulat atrof-muhitda mavjud bo‘lib, immun tizimi zaiflashgan, og‘ir kasalliklarni o‘tkazgan yoki ma’lum bir dorilarni qabul qilgan odamlarga ta’sir qiladi.
“JSST yengil hamda o‘rtacha og‘irlikdagi holatlar uchun kortikosteroidlar va antibiotiklardan nomutanosib foydalanishni minimumga tushirishni tavsiya qiladi”, — dedi Vuynovich.
Uning qo‘shimcha qilishicha, kortikosteroidlar koronavirus og‘ir kechgan holatlarda hayotni saqlab qolishi mumkin, ammo ularning keng qo‘llanilishi zamburug‘li infeksiyalarni chaqirishi mumkin.
Bundan tashqari, JSST vakili biotibbiy uskunalarni, xususan, ventilyatorlarni yaxshilab dezinfeksiya qilishni tavsiya etdi.
Avstriyada 1-iyuldan komendantlik soati bekor qilindi, u 2020-yil noyabrida pandemiya tufayli joriy qilingan bo‘lib, yarim tundan tonggi beshgacha amal qilardi. Shuningdek, kechasi ishlashi taqiqlangan tungi klublar, barlar va restoranlar ham ochildi.Endi mamlakatda ko‘ngilochar tadbirlar, to‘ylar va boshqa tantanalarni o‘tkazishga ham ruxsat berildi, ularda ishtirokchilar 100 kishidan oshmasligi va niqob taqishi zarur. Ko‘proq sonli odamlar bilan tadbirlar o‘tkazish uchun mahalliy hukumatdan ruxsat olish kerak bo‘ladi.
Ammo bu imkoniyatdan faqat to‘liq emlangan va qo‘lida koronavirusga nisbatan manfiy natijali testi yoki COVID-19’dan sog‘ayganlik haqidagi ma’lumotnomasi bo‘lgan fuqarolargina foydalanishi mumkin.
Ayni vaqtda jamoat transporti, do‘kon, muzey va boshqa yopiq muassasalarda FFP-2 turidagi respiratorlarni taqish kerak bo‘lmaydi, ammo og‘iz va burunni yopib turuvchi oddiy niqoblarni taqish shart.
Chora-tadbirlarning yumshatilishi koronavirus bilan kasallanish dinamikasining pasayishi bilan bog‘liq. Pandemiya boshidan buyon mamlakatda 650 ming kishi COVID-19’ga chalinib, 10 mingdan ortiq odam vafot etgan.
Mavzuga doir: Avstriya aholisiga respirator taqish majburiy qilindi
So‘nggi bir kecha-kunduzda Daniyada 340 kishida COVID-19 aniqlangan, bu so‘nggi ikki hafta ichidagi eng yuqori ko‘rsatkichdir. Shularning 117 tasi delta shtammi hissasiga to‘g‘ri keladi. Daniyada ushbu shtamm birinchi marta 29-martda aniqlangan edi.
Mamlakatda pandemiya boshidan buyon 293 mingdan ortiq odamda koronavirus aniqlandi, shularning 2,5 mingdan ziyodi vafot etdi.
Mavzuga doir: Daniyada koronavirus tarqalishining oldini olishga qaratilgan cheklovlar 1-martdan yumshatiladi
Soxta dori bilan emlash jarayoni 15-maydan 17-iyungacha bo‘lib o‘tgan. Vaksinatsiyani olib borgan shifokor qochib ketgan, ikki hamshira hibsga olingan.
Sog‘liqni saqlash boshqarmasi qayd etishicha, “COVID-19’ga qarshi vaksinalarning deyarli barchasi 5 ml hajmga ega”, ammo bu ampulalar kattaroq.
Ta’kidlanishicha, firibgarlar ampulalarga haqiqiy dori o‘rniga suv solgan bo‘lishi mumkin.
Izoh (0)