Жонс Ҳопкинс университети маълумотларига кўра, дунёда коронавирусга чалинганлар сони 182 204 857 кишини ташкил қилмоқда, шуларнинг 3 947 035 нафари касалликдан вафот этган.
Касалланиш ҳолатлари сони бўйича АҚШ (33,6 миллион), Ҳиндистон (30,4 миллион), Бразилия (18,5 миллион), Франция (5,8 миллион) ва Россия (5,4 миллион) етакчилик қилмоқда.
«Қора замбуруғ» ёки мукормикоз билан касалланиш олдини олиш учун COVID-19’ни даволашда гормонал дорилар ва антибиотиклардан фойдаланишни камайтириш, шунингдек, биотиббий ускуналарга санитар ишлов беришга диққат билан ёндашиш керак. Бундай тавсияларни Жаҳон соғлиқни сақлаш ташкилоти (ЖССТ)нинг Россиядаги вакили Мелита Вуйнович айтиб ўтди.
Унинг аниқлик киритишича, Ҳиндистонда COVID-19’га чалинган беморларда аниқланган бир қатор замбуруғли инфекциялар моғор ёки дрожжи билан боғлиқ. Улат атроф-муҳитда мавжуд бўлиб, иммун тизими заифлашган, оғир касалликларни ўтказган ёки маълум бир дориларни қабул қилган одамларга таъсир қилади.
«ЖССТ енгил ҳамда ўртача оғирликдаги ҳолатлар учун кортикостероидлар ва антибиотиклардан номутаносиб фойдаланишни минимумга туширишни тавсия қилади», — деди Вуйнович.
Унинг қўшимча қилишича, кортикостероидлар коронавирус оғир кечган ҳолатларда ҳаётни сақлаб қолиши мумкин, аммо уларнинг кенг қўлланилиши замбуруғли инфекцияларни чақириши мумкин.
Бундан ташқари, ЖССТ вакили биотиббий ускуналарни, хусусан, вентиляторларни яхшилаб дезинфекция қилишни тавсия этди.
Австрияда 1 июлдан комендантлик соати бекор қилинди, у 2020 йил ноябрида пандемия туфайли жорий қилинган бўлиб, ярим тундан тонгги бешгача амал қиларди. Шунингдек, кечаси ишлаши тақиқланган тунги клублар, барлар ва ресторанлар ҳам очилди.Энди мамлакатда кўнгилочар тадбирлар, тўйлар ва бошқа тантаналарни ўтказишга ҳам рухсат берилди, уларда иштирокчилар 100 кишидан ошмаслиги ва ниқоб тақиши зарур. Кўпроқ сонли одамлар билан тадбирлар ўтказиш учун маҳаллий ҳукуматдан рухсат олиш керак бўлади.
Аммо бу имкониятдан фақат тўлиқ эмланган ва қўлида коронавирусга нисбатан манфий натижали тести ёки COVID-19’дан соғайганлик ҳақидаги маълумотномаси бўлган фуқароларгина фойдаланиши мумкин.
Айни вақтда жамоат транспорти, дўкон, музей ва бошқа ёпиқ муассасаларда FFP-2 туридаги респираторларни тақиш керак бўлмайди, аммо оғиз ва бурунни ёпиб турувчи оддий ниқобларни тақиш шарт.
Чора-тадбирларнинг юмшатилиши коронавирус билан касалланиш динамикасининг пасайиши билан боғлиқ. Пандемия бошидан буён мамлакатда 650 минг киши COVID-19’га чалиниб, 10 мингдан ортиқ одам вафот этган.
Мавзуга доир: Австрия аҳолисига респиратор тақиш мажбурий қилинди
Сўнгги бир кеча-кундузда Данияда 340 кишида COVID-19 аниқланган, бу сўнгги икки ҳафта ичидаги энг юқори кўрсаткичдир. Шуларнинг 117 таси дельта штамми ҳиссасига тўғри келади. Данияда ушбу штамм биринчи марта 29 мартда аниқланган эди.
Мамлакатда пандемия бошидан буён 293 мингдан ортиқ одамда коронавирус аниқланди, шуларнинг 2,5 мингдан зиёди вафот этди.
Мавзуга доир: Данияда коронавирус тарқалишининг олдини олишга қаратилган чекловлар 1 мартдан юмшатилади
Сохта дори билан эмлаш жараёни 15 майдан 17 июнгача бўлиб ўтган. Вакцинацияни олиб борган шифокор қочиб кетган, икки ҳамшира ҳибсга олинган.
Соғлиқни сақлаш бошқармаси қайд этишича, «COVID-19’га қарши вакциналарнинг деярли барчаси 5 мл ҳажмга эга», аммо бу ампулалар каттароқ.
Таъкидланишича, фирибгарлар ампулаларга ҳақиқий дори ўрнига сув солган бўлиши мумкин.
Изоҳ (0)