24-iyun kuni Favqulodda vaziyatlar vazirligi qutqaruvchilari Toshkent viloyati Zangiota tumanida sodir bo‘lgan yong‘inni bartaraf etdi, deb xabar beradi vazirlik matbuot xizmati.
Ma’lum qilinishicha, soat 16:45 da tumanning “Eshonguzar” MFY Sharq Yulduzi ko‘chasi 15-uyda yong‘in sodir bo‘layotgani to‘g‘risida viloyat FVB navbatchi dispetcherlik xizmatiga xabar kelib tushgan. Mazkur xabarga asosan voqea joyiga 6 ta yong‘in-o‘chirish ekipaji soat 16:51 da yetib borib, yong‘in soat 17:06 da o‘rab olingan va u soat 17:41 da bartaraf etilgan.
Yong‘in oqibatida uyning taxminan 200 kvadrat metr maydonidagi tom va shift qismi yonib, zararlangan.
Hodisa oqibatida jabrlangan va halok bo‘lganlar yo‘q. Hozirda yong‘in sababi hamda keltirilgan moddiy zarar miqdori aniqlanmoqda.
Avvalroq Namangandagi xonadon oshxonasida gaz portlashi oqibatida 12 yoshli bola halok bo‘lgani, Xorazmdagi kafelarning birida yong‘in yuz bergani, Samarqandda bir-biriga tutash ikki uyda yong‘in sodir bo‘lgani to‘g‘risida xabar berilgandi.
Izoh (0)