Jizzaxda Nexia rusumli avtomobil va velosiped haydovchisi o‘rtasida sodir bo‘lgan yo‘l-tansport hodisasi oqibatida bir kishi jarohatlandi. Bu haqda IIV YHXBB axborot xizmati xabar berdi.
Ma’lum qilinishicha, 17-iyun kuni soat 19:00 larda Sharof Rashidov tumani “Ravaliq” mahallasi hududidan o‘tgan Chamanzor ko‘chasida Nexia haydovchisi qarama-qarshi yo‘nalishda harakatlanib kelayotgan velosipedchini urib yuborgan.
Yo‘l-transport hodisasi oqibatida velosiped haydovchisi turli tan jarohatlari bilan shifoxonaga yetkazilgan.
Mazkur holat bo‘yicha Sharof Rashidov tumani IIB tomonidan dastlabki surishtiruv harakatlari olib borilmoqda.
Avvalroq Navoiyda yuk avtomobili bilan to‘qnashgan velosipedchi shifoxonada vafot etgani, Farg‘onada Damas velosipedchini urib yuborishi oqibatida jabrlanuvchi voqea joyida halok bo‘lgani, Toshkentda Nexia bilan to‘qnashgan mototsiklchi voqea joyida vafot etgani to‘g‘risida xabar berilgandi.
Izoh (0)