Toshkent viloyati IIBB xodimlari tomonidan qalbaki dollar savdosi bo‘yicha yarim yildan buyon qidiruvda bo‘lgan shaxs ushlandi. Bu haqda idora matbuot xizmati xabar berdi.
Ma’lum qilinishicha, 2021-yilning yanvar oyida Chimyonda fuqarolarga qalbaki dollarni “o‘tkazib” ketgan uch nafar shaxsning ikki nafari qo‘lga olingan va uchinchisiga nisbatan qidiruv e’lon qilingan.
Ushbu holatning ishtirokchisi bo‘lgan uchinchi shaxs 1984-yilda Qo‘qon shahrida tug‘ilgan J.Sh. bo‘lib, u tergov organlaridan yashirinib yurgan.
15-iyunda qidiruvdagi shaxsning yashiringan manzili IIBB xavfsiz turizmni ta’minlash tezkor xodimlari tomonidan aniqlangan va u qo‘lga olingan. Gumonlanuvchi qonuniy chora ko‘rish uchun IIBga olib kelingan.
Avvalroq Toshkentda qidiruvdagi shaxs niqob taqmagani sabab qo‘lga tushgani, O‘zbekistonda qidiruvda bo‘lgan shaxs Rossiyada qo‘lga olingani to‘g‘risida xabar berilgandi.
Izoh (0)