Tatariston prezidenti Rustam Minnixanov boshchiligidagi Rossiya delegatsiyasi 16-iyun kuni O‘zbekistonga tashrif buyurgani va Prezident Shavkat Mirziyoyev qabulida bo‘lgani to‘g‘risida xabar berilgandi. Turizm va sport vazirligi matbuot xizmatining yozishicha, amaliy tashrif doirasida 17-iyun kuni Tatariston rahbari Buxoroda bo‘lgan.
Ma’lum qilinishicha, Rustam Minnixanovga O‘zbekiston bosh vaziri o‘rinbosari — turizm va sport vaziri Aziz Abduhakimov hamrohlik qilgan.
Eslatib o‘tamiz, Tatariston prezidenti Rustam Minnixanov boshchiligidagi delegatsiya 16—17-iyun kunlari O‘zbekistonga tashrif buyurdi. Delegatsiya tarkibiga Tataristonning 25 dan ortiq turli xil kompaniyalari vakillari, jumladan, “KamAZ”, “Tatneft”, “PO ElAZ”, “KMPO”, “Qozon vertolyot zavodi”, “Sollers Ford”, “KER-Holding” va boshqalar kirgan. Tashrif davomida Tataristonning sanoat salohiyati ko‘rgazmasi, Tatariston—O‘zbekiston biznes forumi, shuningdek, O‘zbekistonda yashaydigan tatar diasporasi bilan uchrashuvlar o‘tkazildi.
Izoh (0)