Жиззахда Nexia русумли автомобиль ва велосипед ҳайдовчиси ўртасида содир бўлган йўл-танспорт ҳодисаси оқибатида бир киши жароҳатланди. Бу ҳақда ИИВ ЙҲХББ ахборот хизмати хабар берди.
Маълум қилинишича, 17 июнь куни соат 19:00 ларда Шароф Рашидов тумани «Равалиқ» маҳалласи ҳудудидан ўтган Чаманзор кўчасида Nexia ҳайдовчиси қарама-қарши йўналишда ҳаракатланиб келаётган велосипедчини уриб юборган.
Йўл-транспорт ҳодисаси оқибатида велосипед ҳайдовчиси турли тан жароҳатлари билан шифохонага етказилган.
Мазкур ҳолат бўйича Шароф Рашидов тумани ИИБ томонидан дастлабки суриштирув ҳаракатлари олиб борилмоқда.
Аввалроқ Навоийда юк автомобили билан тўқнашган велосипедчи шифохонада вафот этгани, Фарғонада Damas велосипедчини уриб юбориши оқибатида жабрланувчи воқеа жойида ҳалок бўлгани, Тошкентда Nexia билан тўқнашган мотоциклчи воқеа жойида вафот этгани тўғрисида хабар берилганди.
Изоҳ (0)