Shavkat Mirziyoyev 8-iyun kuni madaniyat va ma’rifat sohalariga oid loyihalar, xususan, Urganch shahrida Muhammad al-Xorazmiyning yangi haykalini va uning atrofida xiyobon barpo etish loyihasi bilan tanishgandi.
“Gazeta.uz”ning yozishicha, yodgorlik uchun chizmalar O‘zbekiston badiiy akademiyasi tomonidan o‘tkazilgan tanlovda saralab olingan. “O‘zbekiston 24” telekanali ushbu yodgorlik joylashtiriladigan joyni namoyish etdi.
Joylashuvning birinchi varianti al-Xorazmiy ko‘chasi, o‘tmishda al-Xorazmiy yodgorligi turgan joyning qarshisidagi hudud (xarita);
Ikkinchi variant — Urganch aeroporti yaqinida joylashgan al-Xorazmiy yodgorlik majmuasi yaqinidagi maydon (xarita);
Uchinchi variant — Shovot kanali qirg‘og‘idagi shu nomdagi bog‘da Jaloliddin Manguberdi haykali joylashgan hudud (xarita).
Hozir Manguberdi yodgorligining (yuqoridagi rasmda) taqdiri kanalning narigi tomonida — shaharning asosiy maydonida Jaloliddin Manguberdi yodgorligining o‘rnatilishi rejalashtirilgani sababli noma’lum bo‘lib turibdi.
Shuningdek, Xorazm viloyati hokimligi binosi oldidagi ushbu maydonda joylashgan al-Xorazmiy haykali o‘z joyida qoladimi, yo‘qmi — bu haqida ham ma’lumot yo‘q. Hozirda bu yerda avtomobil tunnelining qurilishi davom etmoqda. Bu viloyat markazining asosiy maydoni ostidagi mamlakatdagi birinchi tunnel bo‘ladi.
Izoh (0)