15-iyun kuni Toshkent shahar hokimligida Xalq deputatlari Bektemir tumani kengashining navbatdan tashqari 39-sessiyasi bo‘lib o‘tdi. Bu haqda hokimlik matbuot xizmati xabar berdi.
Ma’lum qilinishicha, sessiyada Bektemir tumaniga yangi hokim tayinlash masalasi ko‘rib chiqilgan.
Sessiyada hozirgacha Favqulodda vaziyatlar vazirligining Favqulodda vaziyatlarning oldini olish va ularda harakat qilish davlat tizimi hamda Fuqaro muhofazasining tashkiliy ta’minoti va rejalashtirish bosh boshqarmasi boshlig‘i bo‘lib ishlagan Tapil Mahamadziyayev Bektemir tumani hokimligiga tasdiqlangan.
Ma’lumot uchun, Tapil Mahamadziyayev 1976-yilda Toshkent viloyatida tug‘ilgan. Ma’lumoti oliy.
Eslatib o‘tamiz, Bektemir tumani hokimi vazifasida ishlab kelgan Jahongir Ibrohimov 2021-yilning 15-yanvarida Yunusobod tumaniga hokim etib tayinlangandi. Shundan buyon ushbu lavozim fevralga qadar vakant bo‘lib kelgan va 11-fevralda Savdo-sanoat palatasi Toshkent shahar hududiy boshqarmasi boshlig‘i bo‘lib ishlagan Saidjamol Sultonov tuman hokimligiga tasdiqlangan edi.
Izoh (0)