Шавкат Мирзиёев 8 июнь куни маданият ва маърифат соҳаларига оид лойиҳалар, хусусан, Урганч шаҳрида Муҳаммад ал-Хоразмийнинг янги ҳайкалини ва унинг атрофида хиёбон барпо этиш лойиҳаси билан танишганди.
«Gazeta.uz»нинг ёзишича, ёдгорлик учун чизмалар Ўзбекистон бадиий академияси томонидан ўтказилган танловда саралаб олинган. «Ўзбекистон 24» телеканали ушбу ёдгорлик жойлаштириладиган жойни намойиш этди.
Жойлашувнинг биринчи варианти ал-Хоразмий кўчаси, ўтмишда ал-Хоразмий ёдгорлиги турган жойнинг қаршисидаги ҳудуд (харита);
Иккинчи вариант — Урганч аэропорти яқинида жойлашган ал-Хоразмий ёдгорлик мажмуаси яқинидаги майдон (харита);
Учинчи вариант — Шовот канали қирғоғидаги шу номдаги боғда Жалолиддин Мангуберди ҳайкали жойлашган ҳудуд (харита).
Ҳозир Мангуберди ёдгорлигининг (юқоридаги расмда) тақдири каналнинг нариги томонида — шаҳарнинг асосий майдонида Жалолиддин Мангуберди ёдгорлигининг ўрнатилиши режалаштирилгани сабабли номаълум бўлиб турибди.
Шунингдек, Хоразм вилояти ҳокимлиги биноси олдидаги ушбу майдонда жойлашган ал-Хоразмий ҳайкали ўз жойида қоладими, йўқми — бу ҳақида ҳам маълумот йўқ. Ҳозирда бу ерда автомобиль туннелининг қурилиши давом этмоқда. Бу вилоят марказининг асосий майдони остидаги мамлакатдаги биринчи туннел бўлади.
Изоҳ (0)