Jahon sog‘liqni saqlash tashkiloti (JSST) Xitoyning Sinovac Biotech kompaniyasi ishlab chiqargan koronavirusga qarshi vaksinani 18 yoshdan kattalarga favqulodda foydalanish uchun ma’qulladi. Bu haqda JSST rahbari Tedros Gebreyesus brifingda ma’lum qildi, deb yozadi “RBK”.
“Xavfsiz, samarali va kafolatlangan sifatlarga ega, deb topilgan Sinovac CoronaVac vaksinasining JSST Favqulodda reyestriga qo‘shilganini mamnuniyat bilan e’lon qilaman”, — dedi Gebreyesus.
Uning ta’kidlashicha, Sinovac’ni oddiy sharoitda saqlash mumkinligi uni resurslari cheklangan mamlakatlarga moslashtiradi. “Ushbu qutqaruv vositasini yordamga muhtoj odamlarga tezroq yetkazib berish hozir nihoyatda zarur”, — dedi JSST direktori.
Sinovac — JSST tomonidan tasdiqlangan ikkinchi Xitoy vaksinasi. May oyining boshida JSST ilk bor Sinopharm preparatini favqulodda holatlarda foydalanishga ruxsat berdi. Tashkilot ilgari Pfizer / BionTech, Moderna, Johnson & Johnson kompaniyalarining vaksinalarini, shuningdek, Oksford universiteti va Janubiy Koreya hamkorlikda ishlab chiqarilgan AstraZeneca kompaniyasining ikkita vaksinasini ro‘yxatga olgan.
Rossiyaning “Sputnik V” vaksinasi JSST mutaxassislari tomonidan hali ko‘rib chiqilmoqda. Tashkilot vaksinani iyun yoki iyul oylarida tasdiqlashi mumkinligini aytgan.
Izoh (0)