29-may kuni Samarqand viloyati Bulung‘ur tumani hududidan o‘tuvchi M-39 avtomobil yo‘lining 1060-kilometrida “KamAZ” va Isuzu ishtirokida yo‘l-transport hodisasi sodir bo‘ldi. Bu haqda viloyati IIB axborot xizmati xabar berdi.
Ma’lum qilinishicha, Toshkent—Samarqand”yo‘nalishida harakatlanib kelayotgan “KamAZ-35320” rusumli avtomobil haydovchisi uxlab qolishi natijasida rul boshqaruvini yo‘qotib, old tomonda harakatlanib ketayotgan Isuzu’ning orqa chap tomoniga kelib urilgan.
Hodisa oqibatida avtotransport vositalariga shikast yetgan. Tan jarohati olganlar yo‘q.
Avvalroq Samarqandda haydovchining uxlab qolishi oqibatida Isuzu yuk mashinasi daryo qirg‘og‘iga ag‘darilib ketgani to‘g‘risida xabar berilgandi.
Izoh (0)