Hukumatning 25-maydagi qarori bilan Vazirlar Mahkamasi huzuridagi Din ishlari bo‘yicha qo‘mita raisining birinchi o‘rinbosari Muzaffar Komilovga O‘zbekiston xalqaro islom akademiyasining rektori vazifasini bajarish yuklatildi. Bu haqda Adliya vazirligi matbuot xizmati xabar berdi.
O‘zbekiston xalqaro islom akademiyasining avvalgi rektori, Prezidentning jamoat va diniy tashkilotlar bilan hamkorlik masalalari bo‘yicha maslahatchisi Rustam Qosimov 2021-yilning may oyi boshlarida 64 yoshida vafot etgandi.
Muzaffar Komilov 2018-yilning aprelida Din ishlari bo‘yicha qo‘mita raisining o‘rinbosari etib tayinlangandi.
O‘zbekiston xalqaro islom akademiyasi “Diniy-ma’rifiy soha faoliyatini tubdan takomillashtirish chora-tadbirlari to‘g‘risida”gi Prezident farmoniga binoan 2018-yilning aprelida tashkil etilgan.
Avvalroq Islom sivilizatsiyasi markazi direktori Shoazim Minovarov Prezident maslahatchisi etib tayinlangani haqida xabar berilgan edi.
Izoh (0)