Toshkent shahar hokimi yoshlar siyosati, ijtimoiy rivojlantirish va ma’naviy-ma’rifiy ishlar bo‘yicha o‘rinbosari Durdona Rahimova “Toshkent 5 tashabbus harakati” yoshlar festivali doirasida tashkil qilingan matbuot anjumanida yoshlar bandligini ta’minlash bo‘yicha savolga javob berib o‘tdi.
Festivalda bandlik yo‘nalishida ham shou ko‘rinishidagi tadbir bo‘lib o‘tishi rejalashtirilgan. Unda xususiy kompaniya vakillari tadbir ishtirokchilari bo‘lgan yoshlar orasidan o‘zlariga kerakli bo‘lgan kadrlarni saralab olish maqsadida seleksiya o‘tkazishadi. Yoshlar o‘zlarini kadr sifatida taqdim qilishadi va ular kompaniyalar tomonidan tanlab olinadi. Bu festival doirasida biz yoshlar uchun eng yuqori maoshli ishlarni taklif qilamiz. Ya’ni oylik maoshi 10-15 million so‘mgacha bo‘lgan ishlar taklif qilinadi. Yoshlar ham shu darajadagi lavozim talablariga javob berishi kerak bo‘ladi. Talabga javob berganlar ish bilan ta’minlanadi.Eslatib o‘tamiz, avvalroq Toshkent shahar hokimi Jahongir Ortiqxo‘jayev matbuot anjumanida tadbir o‘tkazish, tashkiliy masalalar yuzasidan fikr bildirib, OAV vakillariga “to‘yimizni buzmanglar” deya hazilomuz murojaat qilgan, festival uchun qancha mablag‘ ajratilganini aytgan bo‘lsa, bosh vazir o‘rinbosari Behzod Musayev Yangi O‘zbekiston universiteti tashkil qilinishini bildirgan.Durdona Rahimova, Toshkent shahar hokimi yoshlar siyosati, ijtimoiy rivojlantirish va ma’naviy-ma’rifiy ishlar bo‘yicha o‘rinbosari
Mavzuga doir:
- Shavkat Mirziyoyev 2021-yilning birinchi choragida 33 ming nafar yoshga tadbirkorlik faoliyati uchun 800 milliard so‘m kredit ajratilganini ma’lum qildi
- “Shuncha yerimiz bo‘la turib, odamlarimiz chetda ish izlab yuribdi”. Mirziyoyev yoshlarga 1 gektargacha yer ajratish bo‘yicha Shuhrat G‘aniyevga topshiriq berdi
- Shavkat Mirziyoyev: “Toshkent shahrida 77 mingta vakant ish o‘rinlari mavjud, shundan 45 mingtasiga oliy ma’lumot talab etilmaydi”
Izoh (0)