“Andijon yoshlar forumi — 2021” doirasida Asaka tumanida tashkil etilgan sport musobaqalarida tuman hokimi Mansurbek Alixanov master-klass ko‘rsatdi.
Tuman hokimligi xabariga ko‘ra, 20-may kuni Andijon viloyati Asaka tumanidagi bolalar-o‘smirlar sport maktabi sport zalida sportning o‘zbek jang san’ati turidan viloyat musobaqasi ochilish marosimida tuman hokimi Mansurbek Alixanov maxsus chiqish qilgan.
Hokimlik xabarida aytilishicha, viloyatning 10 ta tumanidan 200 nafardan ziyodroq yosh sportchilar ishtirok etayotgan turnirda hokimning bu chiqishi “yoshlarga o‘zgacha motivatsiya berdi”.
Ma’lumot uchun, ushbu forumga 19-may kuni start berildi. 20-may kuni “Ergashobod” MFYda joylashgan bolalar- o‘smirlar sport maktabida tuman hokimi va sektor rahbarlari sportning bel olish uchkurashi yo‘nalishida sportchilar bilan gilamga tushib, sportchilar uchun master-klass o‘tib bergan.
21-maygacha davom etadigan Andijon yoshlar forumi doirasidan Asaka tumanida o‘zbek jang san’ati, erkin kurash, bel olish uchkurashi hamda shaxmat (ayollar o‘rtasida) sport musobaqalari o‘rin olgan.
Izoh (0)