AirPods Pro kabi ko‘rinishga ega bo‘lgan Xiaomi FlipBuds Pro naushniklari kalta “oyoqcha” va yaltiroq korpusda taqdim etildi. Naushniklarga faol shovqin so‘ntirish texnologiyasi (ANC) hamda so‘nggi versiyadagi Bluetooth 5.2 o‘rnatilgan, deb xabar beradi IXBT.
FlipBuds Pro naushnigi Qualcomm QCC515 protsessori bazasida yaratilgan bo‘lib, buning hisobiga u shovqin so‘ndirishning uch xil rejimida ishlay oladi va AptX, AAC hamda SBC’ni qo‘llab-quvvatlaydi. Naushniklar 40 detsibel shovqinni so‘ndirishi va “shaffof” deb nomlanuvchi rejimda ishlashi mumkin.
Naushniklar ikkita qurilmaga ulanish hamda biridan ikkinchiga o‘tish imkoniyatiga ega, masalan, smartfon va noutbuk o‘rtasida. Xiaomi FlipBuds Pro’ga 16 Om qarshilikka ega 11 millimetrli ovoz kuchaytirgich va yuqori elastik diafragma o‘rnatilgan.
Xiaomi FlipBuds Pro bir marta quvvatlanish orqali tinimsiz 7 soat, quvvatlantirish g‘ilofi bilan esa 28 soat ishlay oladi.
Avvvalroq Huawei’ning simsiz FreeBuds 4i naushniklari taqdim etilgani, Samsung Adidas bilan hamkorlikda yaratgani to‘g‘risida xabar berilgandi.
Izoh (0)