AirPods Pro каби кўринишга эга бўлган Xiaomi FlipBuds Pro наушниклари калта «оёқча» ва ялтироқ корпусда тақдим этилди. Наушникларга фаол шовқин сўнтириш технологияси (ANC) ҳамда сўнгги версиядаги Bluetooth 5.2 ўрнатилган, деб хабар беради IXBT.
FlipBuds Pro наушниги Qualcomm QCC515 процессори базасида яратилган бўлиб, бунинг ҳисобига у шовқин сўндиришнинг уч хил режимида ишлай олади ва AptХ, ААC ҳамда SBS’ни қўллаб-қувватлайди. Наушниклар 40 децибел шовқинни сўндириши ва «шаффоф» деб номланувчи режимда ишлаши мумкин.
Наушниклар иккита қурилмага уланиш ҳамда биридан иккинчига ўтиш имкониятига эга, масалан, смартфон ва ноутбук ўртасида. Xiaomi FlipBuds Pro’га 16 Ом қаршиликка эга 11 миллиметрли овоз кучайтиргич ва юқори эластик диафрагма ўрнатилган.
Xiaomi FlipBuds Pro бир марта қувватланиш орқали тинимсиз 7 соат, қувватлантириш ғилофи билан эса 28 соат ишлай олади.
Авввалроқ Huawei’нинг симсиз FreeBuds 4i наушниклари тақдим этилгани, Samsung Adidas билан ҳамкорликда яратгани тўғрисида хабар берилганди.
Изоҳ (0)