Twitter ijtimoiy tarmog‘ida pushti rangga ega shubhali iPhone 13 Pro Max’ning surati paydo bo‘ldi. Bu kabi model haqiqatan ham taqdim etilishi istisno etilmayapti, deb xabar beradi Hi-Tech.Mail.ru.
PengPhones niki ostidagi foydalanuvchi tomonidan tarmoqqa joylashtirilgan suratdagi smartfon rangi Rose Pink bo‘lib, uning atrofida Apple’ning boshqa pushti aksessuarlari — AirPods, AirPods Max va iPhone uchun g‘ilofi joylashgan.
2021-yilda pushti iPhone taqdim etilishini oldindan taxmin qilish mushkul, chunki tarqalgan ma’lumot taniqli insayderlar tomonidan tasdiqlanmagan. Aftidan, istalgan inson suratni o‘zgartirib, uni “Apple’ning fosh etilgan renderi” deya oladi. Foydalanuvchilar post ostiga ushbu kadrning shubhali ekani borasida izohlar qoldirmoqda.
Apple hozirga qadar iPhone 13 lineykasining ranglari va uning qachon taqdim etilishi haqida biror rasmiy ma’lumot bergani yo‘q, shu sababli barcha taxminlar bilan band. Ammo pushti iPhone’ning paydo bo‘lish imkoniyati baribir mavjud.
Pushtining 50 jilosi
Birinchidan, Apple bunga qadar pushti rangli iPhone taqdim etgan. Gap 2013-yilgi iPhone 5S haqida ketmoqda. Bundan tashqari, 2015-yilda ishlab chiqarilgan iPhone 6S ham “oltinrang pushti” rangida sotilgan, 2018-yilgi iPhone XR esa korall rangda edi.
Shundan buyon pushti rang texnika borasida ham ommalashdi. 2021-yilning fevralida Samsung kompaniyasi Galaxy S 21 flagmanining fantom-pushti va fantom-binafsha ranglardagi versiyalarini taqdim etdi.
Ikkinchidan, Apple yaqinda binafsha rangdagi iPhone 12’ni taqdim etdi. Bundan tashqari, kompaniya turli ranglarga ega yangilangan iMac’ni sotuvga chiqardi. iMac ranglaridan biri — pushti. Bu kabi rangga ega yangi iPhone rostdan ham paydo bo‘lish-bo‘lmasligi yaqin oylarda oydinlashadi.
Izoh (0)