Instagram: Operatsiyani boshdan kechirgan Zuhra Soliyeva, Yulduz Usmonovaning navbatdagi murojaati, Nigora Karimboyeva Dilnoza Kubayevadan qizg‘angan rol

Jahon va o‘zbek shou-biznesi vakillarining Instagram sahifalariga joylashtirilgan qiziqarli foto va videolarni e’tiboringizga havola etamiz.

Sevinch Mo‘minova sahifasiga Tojikistonda tushgan suratlarini joylashtirdi. Hozirda xonanda Tojikistonda konsert bermoqda.

Toshkentdagi mashhur aktrisa va xonandalarga kosmetik xizmatlar ko‘rsatishi bilan mashhur bo‘lgan klinikalardan birining rahbari Luiza Shorahmetova onasining tug‘ilgan kuniga yevro ta’mirdan chiqqan uy sovg‘a qildi. Malika Ravshanova shunday quvonchli kunda ushbu oila bilan birga bo‘ldi.

Nilufar Usmonova hayotda oddiy narsalardan baxt izlab yashashga chaqirdi.

Nigora Karimboyeva Ayub Shaxobiddinovning mashhur filmidagi bosh rolni Dilnoza Kubayevadan qizg‘angani, haligacha “O‘sha rol meniki bo‘lishi kerak edi” deb o‘ylashi haqida so‘zlab berdi.

Gulchehra Eshonqulova farzandlari bilan tushgan suratini sahifasiga joyladi.

Yulduz Usmonova Falastin va Isroil o‘rtasidagi mojaroga munosabatini noto‘g‘ri talqin qilgan yahudiylarga rus tilida murojaat yo‘lladi. Ijtimoiy tarmoqlarda Yulduz Usmonova Isroilda bir necha marta konsert berganiga qaramay, ayni vaziyatda ushbu mamlakat fuqarolarining xatti-harakatlariga salbiy munosabat bildirgani qoralangan edi. O‘zbekiston xalq artisti mana shunday izohlarga javoban “Agar to‘ylaringda qo‘shiq kuylagan bo‘lsam, bu sizlarga mening dinimni tahqirlash huquqini bermaydi. Sizdan pul olgan bo‘lsam, Alloh yuqtirgan san’atim uchun pul olganman. Adolatli bo‘linglar, shunda Alloh ham sizga nisbatan adolatli bo‘ladi”, deb javob berdi.

Shahlo Zoirova Buxoroga jo‘nab ketdi.

Aktrisa Zuhra Soliyeva ozish uchun oshqozonini kichraytirish operatsiyasini boshdan kechirdi.