Greys Kellidan Megan Marklgacha: Oligarx va qirollik oilasi vakillariga turmushga chiqqan aktrisalar (foto)

Har doim ham zodagonlar o‘zlari singari qirollik oilasi vakilalariga uylanishi tabiiy hol bo‘lib kelgan. Ammo ularning ayrimlari ilk uchrashuvdayoq iste’dodli hamda taniqli aktrisalarni tanlagan.

Greys Kelli

Greys o‘tgan asrning eng go‘zal, iste’dodli hamda muvaffaqiyatli aktrisalaridan. Uning qo‘lini so‘ragan erkaklar talaygina bo‘lgan. Ammo uning ko‘nglini Monako shahzodasi Renye III zabt etgan. Juftlik Kann festivalida tanishgan. 1956-yilda Renye va Greysning nikoh to‘yi bo‘lib o‘tgan. Bu nikoh hattoki “asr to‘yi” deb ham nomlangan. Shundan keyin Greys aktrisalik faoliyatini to‘xtatgan.

Tashqaridan qaraganda, Greys chindan ham baxtli ko‘rinar edi. Sababi u xuddi ertaklardagidek o‘z shahzodasini topgandi. Biroq shahzodaning yaqinlari uni o‘ta rashkchi va rafiqasiga qo‘pol munosabatda ekanligini ma’lum qilgan. Renye Greysga juda ko‘p masalalarda taqiq qo‘ygan. Nima bo‘lganida ham, Monako hukmdori avtohalokatda vafot etgan rafiqasiga bir umr sodiq qoldi.

Ja Ja Gabor

Ja Ja to‘qqiz marta turmushga chiqqan va uning to‘qqizinchi turmush o‘rtog‘i zodagonlardan bo‘ldi. 1986-yilda u o‘zidan 23 yosh kichik nemis knyazi Frederik fon Anxaltga turmushga chiqqan. Ular 2016-yil, Frederikning o‘limiga qadar bir oila bo‘lib yashagan.

Laura Xerring

1985-yilda AQSh go‘zaliga aylangan Laura Germaniya kansleri Otto fon Bismarkning chevarasi Karl Eduard fon Bismark bilan tanishgan. Juftlik 1987-yil turmush qurgan va oradan ikki yil o‘tib ajrashgan. Mish-mishlarga ko‘ra, Xerring aktrisalik faoliyatiga to‘sqinlik qilgan inson bilan yashashni xohlamagan. Ajrimdan so‘ng u yana karyerasini davom ettirgan.

Oliviya Uayld

Oliviya 18 yoshida italiyalik zodagon va kinorejissor Tao Raspoliga turmushga chiqqan. U italiyalik knyaz Alessandro Raspolining o‘g‘li bo‘lib, Oliviya nikohdan keyin malikaga aylangan. Oradan 8 yil o‘tib, juftlik ajrashib ketgan. Ma’lum bo‘lishicha, bunga sabab Oliviya farzand ko‘rishni istamagan.

Eliya Zaxariya

2010-yilda albaniyalik aktrisa va xonanda Albaniya shahzodasi Leki II bilan unashtirilgan. O‘sha vaqtdan boshlab Eliya sevgilisi bilan barcha rasmiy tashriflarda hamkorlik qila boshlagan. Ularning to‘y marosimida qadimgi Yevropa oilalari vakillari, shuningdek, turli mamlakatlardagi qirol oilalari ishtirok etgan.

Klotilda Kuro

Klotilda muvaffaqiyatli karyeraga ega bo‘lgach, Venetsiya shahzodasi Emmanuel Filibert bilan tanishgan. Juftlikning nikoh to‘yi 2003-yilda bo‘lib o‘tgan. Garchi shahzodaning qarindoshlari bu nikohga qarshi bo‘lsa-da, ular hanuzgacha birga. Shuningdek, malika o‘z karyerasini davom ettirmoqda.

Sofi Uinklman

Britaniyaning qirol oilasi a’zosi bilan turmush qurgan birinchi aktrisa Sofi Uinkman edi. 2009-yilda lord Frederik Vindzorga turmushga chiqqan. U Kent shahzodasining yagona o‘g‘li va qirolicha Yelizavetaning jiyani. Frederik qirollik unvoniga merosxo‘rlar qatorida 48-o‘rinda turadi. Aytgancha, Sofi ham to‘ydan keyin karyerasini tark etmadi va suratga tushishda davom etdi.

Megan Markl 

2016-yil Megan shahzoda Garri bilan uchrashdi. Ko‘pchilik Garri va Megan munosabatini jiddiy deb o‘ylamagan. Biroq Garri unga uylanish niyati borligini bildirganda, barcha hayratda qolgan. Aktrisaning ham hayoti ko‘plab muhokamalarga sabab bo‘lgan. Bir vaqtlar sahnalarda rol ijro etgan afroamerikalik ayol Britaniya taxti merosxo‘rlarining birining rafiqasi bo‘lishi hech kimning xayoliga ham kelmagan. Gap-so‘zlarga qaramay, 2018-yilda Garri va Megan turmush qurdi va Archi ismli o‘g‘il ko‘rdi. Hozirda juftlik ikkinchi farzandining dunyoga kelishini kutmoqda.