Bollivud yulduzlari stressni qanday yengishi haqida so‘zlab berdi (foto)

Hind aktyor va aktrisalari asabiylashganda va biror nimadan tashvishlanganda qanday yo‘l tutishi haqida ma’lumot berib o‘tamiz.

Priyanka Chopra

Bollivud yulduzi charchaganda va o‘zini yomon his qilganda tinchlanish, fikrlarini jamlash hamda miyasidagi keraksiz o‘y-xayollarni chiqarib tashlash uchun o‘ziga biroz vaqt berishi, shuningdek, pishloqli gamburger ham unga stressni yengishga yordam berishini ta’kidlagan.

Ranvir Singh

Ranvir uni nimadir bezovta qilganda videoo‘yinlar o‘ynashni, fitness-trener Jaret Grossmanning motivatsion nutqini tinglashni yaxshi ko‘radi. “Bundan tashqari, otam bilan suhbatlashish meni hamisha tonusda bo‘lishimga sababchi bo‘ladi”, — deydi u.

Shraddha Kapur

Shraddhaning kayfiyatini Shaylo laqabli iti ko‘taradi. “U mening antistressim. Shuningdek, musiqa, ayniqsa, Coldplay guruhining Paradise, Yellow va Trouble qo‘shiqlarini tinglash hamda kitob o‘qib, film tomosha qilishni yaxshi ko‘raman. Bularning bari juda ham yaxshi samara beradi”, — degan u.

Sonu Sud

“Mashg‘ulot zali va qora terga botguncha mashq qilish stressdan xalos bo‘lishga yordam beradi. Qolaversa, sevimli musiqa, rafiqam va yaqinlarim ham ijobiy ta’sir qiladi”.

Ayushman Kxurana

Ayushmaga stressdan qutulishga musiqa, taom va uyqu yordam beradi. “Men uchun bular baxt manbai”, — degan u.

Anil Kapur

“Rafiqam mening asosiy antidepressantim. Sport bilan shug‘ullanish, do‘stlarim, yaxshi loyihalar ustida ishlash ham stress bilan kurashishga yordam beradi”, — degan u.

Emi Jekson

“Mashq bajarish adrenalinim ko‘payishi va xayollarimni jamlashga yordam beradi. Shuningdek, uy hayvonlarim — it, mushuk va otlarim, qolaversa, onam bilan samimiy suhbatlashish ham tinchlanishimga yordam beradi”.

Neha Dhupiya

Neha esa stress vaqtida telefonini o‘chirib, yugurishga chiqadi yoki suzish bilan shug‘ullanadi. Bundan tashqari, stress manbai bo‘lgan telefon uni bezovta qilmasligi sabab ham uzoq parvozlarni yaxshi ko‘rishini ta’kidlaydi.