Instagram: Операцияни бошдан кечирган Зуҳра Солиева, Юлдуз Усмонованинг навбатдаги мурожаати, Нигора Каримбоева Дилноза Кубаевадан қизғанган роль

Жаҳон ва ўзбек шоу-бизнеси вакилларининг Instagram саҳифаларига жойлаштирилган қизиқарли фото ва видеоларни эътиборингизга ҳавола этамиз.

Севинч Мўминова саҳифасига Тожикистонда тушган суратларини жойлаштирди. Ҳозирда хонанда Тожикистонда концерт бермоқда.

Тошкентдаги машҳур актриса ва хонандаларга косметик хизматлар кўрсатиши билан машҳур бўлган клиникалардан бирининг раҳбари Луиза Шораҳметова онасининг туғилган кунига евро таъмирдан чиққан уй совға қилди. Малика Равшанова шундай қувончли кунда ушбу оила билан бирга бўлди.

Нилуфар Усмонова ҳаётда оддий нарсалардан бахт излаб яшашга чақирди.

Нигора Каримбоева Аюб Шахобиддиновнинг машҳур фильмидаги бош ролни Дилноза Кубаевадан қизғангани, ҳалигача «Ўша роль меники бўлиши керак эди» деб ўйлаши ҳақида сўзлаб берди.

Гулчеҳра Эшонқулова фарзандлари билан тушган суратини саҳифасига жойлади.

Юлдуз Усмонова Фаластин ва Исроил ўртасидаги можарога муносабатини нотўғри талқин қилган яҳудийларга рус тилида мурожаат йўллади. Ижтимоий тармоқларда Юлдуз Усмонова Исроилда бир неча марта концерт берганига қарамай, айни вазиятда ушбу мамлакат фуқароларининг хатти-ҳаракатларига салбий муносабат билдиргани қораланган эди. Ўзбекистон халқ артисти мана шундай изоҳларга жавобан «Агар тўйларингда қўшиқ куйлаган бўлсам, бу сизларга менинг динимни таҳқирлаш ҳуқуқини бермайди. Сиздан пул олган бўлсам, Аллоҳ юқтирган санъатим учун пул олганман. Адолатли бўлинглар, шунда Аллоҳ ҳам сизга нисбатан адолатли бўлади», деб жавоб берди.

Шаҳло Зоирова Бухорога жўнаб кетди.

Актриса Зуҳра Солиева озиш учун ошқозонини кичрайтириш операциясини бошдан кечирди.