Xuddi bolalikdagidek: Yumshoqqina mazali pryanik tayyorlaymiz

Bolalikdan sevib iste’mol qilinadigan yumshoqqina pryaniklar barchaning yodida qolgan bo‘lsa kerak. Garchi bugunda shirinliklarning turfa xili tayyorlansa-da, pryanikning mazasi bilan teng kela olmaydi.

Kerakli mahsulotlar:

• kefir – 500 ml;
• ichimlik sodasi – 1 choy qoshiq;
• vanilin – 1 chimdim;
• tuxum – 1 dona;
• shakar – 170 gramm;
• o‘simlik moyi – 70 ml;
• un – 900 gramm;
• shakar – 200 gramm;
• suv – 120 ml;
• tuz.

1. Kefir soda va tuz bilan aralashtiriladi. So‘ngra vanilin, tuxum va shakar qo‘shiladi.
2. Massaga o‘simlik moyi va un qo‘shilib, yumshoq xamir qoriladi.
3. Xamir folga bilan o‘ralib, 30-40 daqiqa tindiriladi.
4. Pech 180 darajada qizdiriladi.
5. Xamir 1 santimetr qalinlikda yoyib chiqiladi va u pryanik shaklida kesib olinadi.
6. Pishirish varag‘iga pryaniklar terilib, 12-15 daqiqa davomida pishiriladi.
7. So‘ngra tayyor bo‘lgan shirinliklar sovutishga qo‘yiladi.
8. Alohida idishda suv va shakar qaynatib, sirop tayyorlanadi.
9. Sirop oqargunga qadar aralashtiriladi va pryaniklar ustidan quyiladi.