Texnika qanchalar rivojlanmasin, pechsiz ham ajoyib ta’mli tort tayyorlashning imkoni bor. Qanday deysizmi? Quyidagi ketma-ketlikni bajargan holda, albatta.

Foto: Lifehacker

Kerakli mahsulotlar:

  • pechenye – 200 gramm;
  • sariyog‘ – 180 gramm;
  • banan – 3 dona;
  • qaymoqli pishloq – 200 gramm;
  • shakar upasi – 300 gramm;
  • qaymoq – 600 ml;
  • kakao yoki shokolad.

Tayyorlanish jarayoni:

  1. Pechenyelar yaxshilab maydalanadi. Sariyog‘ eritilib, pechenye bilan aralashtiriladi.
  2. Tayyor bo‘lgan massa qolipga tekislab solinadi va muzlatkichga qo‘yiladi.
  3. Bananlar tozalanib, mayda bo‘laklarga bo‘linadi.
  4. Mikser yordamida pishloq, shakar upasi va sariyog‘ aralashtiriladi. So‘ngra banan bo‘laklari solinadi.
  5. Qaymoq alohida idishda quyulguncha aralashtiriladi.
  6. Qolipga solingan pechenye ustidan bananli aralashma solinadi. Ustidan qaymoqli krem suriladi. So‘ngra kakao va shokolad bilan bezak beriladi.
  7. So‘ngra bir necha soatga muzlatkichga qo‘yiladi.

Yoqimli ishtaha!