Kartoshka bilan pishloqdan pechda pishiriladigan ajoyib taom retsepti

Ikki mahsulotning yoqimli ta’mi uyg‘unlashib, ishtahani yanada ochib yuborishi shubhasiz.

Kerakli mahsulotlar:

• kartoshka – 800 gramm;
• motsarella – 100 gramm;
• qirg‘ichdan o‘tkazilgan pishloq – 50 gramm;
• beshamеl sousi – 300 gramm;
• tuz va ko‘katlar.

1. Tozalangan kartoshka bo‘laklarga bo‘linib, qaynayotgan suvda 6 daqiqa qaynatiladi.
2. Beshamel sousi va qaynatilgan kartoshka pech qolipiga joylashtiriladi.
3. Ustidan motsarella pishlog‘ini maydalab solinadi.
4. Yana xuddi shunday qatlam takror terib chiqiladi.
5. Eng yuqori qatlamga qirg‘ichdan o‘tkazilgan pishloq sepiladi.
6. 200 daraja qizdirilgan pechda 20 daqiqa davomida pishiriladi.
7. Ta’bga ko‘ra ko‘katlar bilan bezatiladi.