Buxoro viloyati hokimining xotin-qizlar masalalari bo‘yicha maslahatchisi, viloyat mahalla va oilani qo‘llab-quvvatlash boshqarmasi boshlig‘ining birinchi o‘rinbosari o‘zgardi. Bu haqda “Daryo”ga boshqarma axborot xizmati ma’lum qildi.
Ma’lum bo‘lishicha, ushbu lavozimda Botir Zaripovning ma’naviy-ma’rifiy ishlar samaradorligini oshirish, davlat tili to‘g‘risidagi qonun hujjatlariga rioya etilishini ta’minlash masalalari bo‘yicha maslahatchisi lavozimida faoliyat yuritgan Feruza Ibragimova ish boshlagan.
Feruza Ibragimova 2015—2018-yillarda Oliy Majlis Qonunchilik palatasining Agrar va suv xo‘jaligi masalalari hamda fuqarolarning sog‘lig‘ini saqlash masalalari qo‘mitalari a’zosi sifatida, 2018—2020-yillarda viloyat hokimi o‘rinbosari — viloyat xotin-qizlar qo‘mitasi raisi lavozimlarida ishlagan.
Tayinlovga qadar viloyat hokimining xotin-qizlar masalalari bo‘yicha maslahatchisi lavozimida boshqarmaning Kogon shahar bo‘limi boshlig‘i lavozimiga o‘tkazilgan Dilfuza Ergasheva faoliyat yuritib kelgan.
Feruza Ibragimovaning avvalgi ishini viloyat hokimining jamoat va diniy tashkilotlar bilan aloqalar bo‘yicha o‘rinbosari kotibiyati mudiri vazifasini bajarib kelayotgan Akbar Rustamov davom ettirmoqda.
“Daryo” muxbirining qo‘shimcha qilishicha, ayni kunda Botir Zaripovning maslahatchilari soni besh nafarga yetgan.
Izoh (0)