“Nasaf” klubi bosh murabbiyi Ro‘ziqul Berdiyev OFK Kubogi 1-turi doirasida “Oloy”ga qarshi kechadigan bahs oldidan o‘tkazilgan matbuot anjumani o‘z fikrlari bilan o‘rtoqlashdi. Bu haqda “Championat.asia” xabar qilmoqda.
Mazkur musobaqaga uzoq vaqt tayyorgarlik ko‘rdik. Raqiblarimiz oddiy jamoalar emas. Oldinda bizni oson bo‘lmagan uchrashuvlar kutmoqda. Kayfiyat yaxshi. Munosib tayyorgarlik ko‘rdik. Buni maydonga chiqib isbotlash qoldi.“Nasaf” va “Oloy” o‘rtasidagi o‘yin 14-may kuni bo‘lib o‘tadi va Toshkent vaqti bilan 17:00 da start oladi.O‘zbekiston klublarining darajasi va “Oloy” klubi haqida
Daraja haqidagi fikringizga unchalik qo‘shilmagan bo‘lardim. OChLda hamma ko‘rgan bo‘lsa kerak, Tojikistonning “Istiqlol” jamoasi ko‘pchilikni hayron qoldirdi. Vaholanki, ko‘pchilik “Al-Hilol” va “Paxtakor”ni favorit deb o‘ylagandi. Biz raqiblarga jiddiy munosabatda bo‘lyapmiz. Hozir kuchli yoki kuchsizga ajratadigan payt emas. Guruhdagi to‘rtta jamoa ham bir xil darajada. O‘yin qanday bo‘lishini ertaga ko‘ramiz.
OFK Kubogi “Nasaf” uchun nufuzli musobaqami?
Biz uchun, ha. Bilasiz jamoamiz yosh. Ushbu musobaqa yosh futbolchilarga tajriba to‘plash uchun qulay imkoniyatdir. OFK Kubogi muhim musobaqa sanaladi. Birinchi galdagi maqsad — guruhdan chiqish.
Sun’iy qoplamali maydon borasida
Mashg‘ulotlarda hech qanday jarohat olish holatlari bo‘lmadi. To‘g‘ri, bu biz uchun noqulay. 2-3 kun ichida moslashib olishga harakat qildik.
Ro‘ziqul Berdiyev, “Nasaf” bosh murabbiyi
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)