«Манчестер Юнайтед» Премьер Лига қолдирилган 34-тури доирасида «Ливерпуль»га қарши баҳс олиб борди ва 2:4 ҳисобида мағлуб бўлди.
Манкунианларнинг ўйиндаги дастлабки голига Бруну Фернандеш муаллиф бўлди. Бу португалиялик футболчи учун 2020/21 йилги мавсумдаги 28-гол бўлди.
Фернандеш АПЛ ярим ҳимоячилари ичида бир мавсумда барча мусобақалар доирасида гол уриш бўйича рекорд натижани қайд этди.
Бу борада Бруну «Челси» собиқ ярим ҳимоячиси Фрэнк Лэмпарднинг натижасини яхшилади. Англиялик собиқ футболчи 2009/10 йилги мавсумда барча мусобақалар доирасида 27 та гол урганди.
Фернандеш Англия чемпионати жорий мавсум тўпурарлари рўйхатида фақат Ҳарри Кейн ва Муҳаммад Салоҳдан (иккисида ҳам 21 та гол) ортда қолмоқда.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)