Ko‘pchilik ayollar turmush o‘rtog‘idan ko‘proq pul topishi imkonsiz deb hisoblaydi. Quyidagi yulduzlar esa buning yanglish tushuncha ekanini isbotlaydi.
Keti Perri va Orlando Blum
Orlando ham aktyor sifatida mashhurlikka erishgan, ammo Keti erishgan yutuqlari bilan uni ortda qoldirgan. Forbes versiyasiga ko‘ra, bir necha marta eng ko‘p haq to‘lanadigan ayollar ro‘yxatidan o‘rin olgan Perrining moliyaviy ahvoli 2018-yilda 83 million dollarga baholangan. “Uzuklar hukmdori”dagi ijrosi omadli chiqqan Blumning arsenalida, afsuski, so‘nggi vaqtda pichoqqa ilinadigan rollar yo‘q.
Dua Lipa va Anvar Hadid
Qo‘shiqlari nafaqat Britaniya, balki butun dunyoda mashhurlikka erishib ulgurgan xonanda Bella va Jiji Hadidlarning ukasi Anvar bilan uchrashadi. Anvarning daromadi 4 million, Duaniki esa 16 million dollarni tashkil qiladi.
Gven Stefani va Bleyk Shelton
Gven va Bleykning daromadi o‘rtasidagi farq unchalik katta emas. Gven No Doubt guruhi ishtirokchiligidan yakkaxon ijroga o‘tgan, Shelton esa kantri janrida ijod qilgan. Stefaniningmoliyaviy ahvoli, taxminan, 150 million dollarga, uning qaylig‘iniki esa 100 millionga baholangan.
Riz Uizerspun va Jim Tot
90-yillardan ijodi gullay boshlagan aktrisa yildan yilga muvaffaqiyatga erisha boshlagan. U “Katta-kichik yolg‘on” serialining har bir qismi uchun 1 million dollar gonorar olgan. Jim esa daromadi bilan Rizchalik maqtana olmaydi.
Sara Jessika Parker va Mettyu Broderik
80-yillardan suratga tushishni boshlagan Mettyu karyerasi davomida yetarlicha pul topishga ulgurgan. Moliyaviy ahvoli 45 million dollarga baholanadigan Broderkning sevgilisi Sara Parker esa 100 million daromad bilan maqtana oladi.
Nikol Kidman va Kit Urban
Kit ham musiqa olamida yetarlicha muvaffaqiyatga erishganiga qaramay, Nikol pul topish borasida undan uddaburonroq bo‘lgan. Urbanning hisob raqamida 75 million dollar bo‘lsa, Kidmanniki undan ikki baravar ko‘p.
Jessika Alba va Kesh Uorren
Karyerasini 1993-yilda boshlagan Jessika 2012-yilda moliyaviy ahvoli 1 milliard dollarga baholangan The Honest Company bilan hamkorlik qila boshlagan. 2015-yilda Forbes Jessikaning daromadi, taxminan, 350 million dollarni tashkil qilishini e’lon qilgan. U 2008-yilda 20 million atrofida mablag‘i bo‘lgan Kesh Uorrenga turmushga chiqqan.
Kristen Bell va Deks Shepard
Kristen Bell va Deks Shepard Gollivudning bir-biriga sodiq hamda iste’dodli juftligi sanaladi.Celebrity Net Worth ma’lumotiga ko‘ra, Bell turmish o‘rtog‘idan 8 million ko‘p pul topadi. Bellning moliyaviy ahvoli 20 million, Shepardniki esa 12 million.
Izoh (0)