Qo‘shiqchi Nargiz Zokirova ikkinchi marta nabirali bo‘ldi

2013-yil “Golos” musiqiy shousida ikkinchi o‘rinni egallaganidan keyin mashhurlikka erishgan 50 yashar Nargiz Zokirova ikkinchi marta buvi bo‘ldi.

Xonanda ilk marta 2014-yilda buvi bo‘lgan — qizi Sabina o‘g‘il farzandni dunyoga keltirgan. 2021-yilning 10-aprel kuni esa ikkinchi nabirasi tug‘ilgan. Kenja qizi Leylaning ona bo‘lgani haqidagi xabarni Nargiz Zokirova o‘z Instagram sahifasida ma’lum qilgan. Chaqaloqning ota-onasi bilan tushgan suratiga: “Bugun ikkinchi marta buvi bo‘ldim. Tanishing, nabiram — Levi Lesli Veys”, — deb izoh yozib qoldirgan.

Ushbu quvonchli yangilik bilan chaqaloqning ota-onasi ham o‘z sahifasida bo‘lishgan.

https://www.instagram.com/p/COsZ8beL_JC/

Leyla: “Bizning olamga xush kelibsan, shirintoyim Kevi Lesli. Ota va onang seni juda ham yaxshi ko‘radi”, — deb yozib qoldirgan.

https://www.instagram.com/p/COsZkoDh-M0/

Otasi Troy Miller esa o‘g‘lini ko‘tarib turgan fotoni joylab, bag‘oyat xursandligini bildirgan.

Ma’lumot uchun, “Golos” shousidan keyin Nargiz Zokirova Maksim Fadeyevning prodyuserlik markazi bilan hamkorlik qila boshlagan va bir nechta qo‘shiqlar taqdim qilgan. 2019-yilga kelib xonanda MALFA leyblini tark etgani haqida ma’lum qilgan.

“Maksim Fadeyevdan 12-avgust kuni xat olganimdan boshlab bizning shartnomamiz bekor qilingan hisoblanadi. Endi MALFA jamoasi a’zosi emasman. Mening bundan keyingi ijodiy faoliyatim taqdiri ularga bog‘liq emas”, — degan xonanda.

Avvalroq Nargiz Zokirova Rossiyadan nafratlanishi haqidagi gap-so‘zlar bo‘hton ekanligini ma’lum qilgandi.