Baxt siri: Mustahkam va baxtli oila qurish sirlari haqida Gollivudning yulduzli juftliklaridan maslahatlar

Mashhur kishilar orasida barcha qiyinchiliklarga qaramay, ko‘p yillar davomida farzandlari va hatto nabiralarini tarbiyalayotgan juftliklar bor. Shunday yulduzli juftliklarning mustahkam va baxtli nikoh kafolati haqidagi maslahatlariga e’tiborimizni qaratamiz.

Sting: “Do‘stingiz bilan oila quring”

37 yillik nikohdan so‘ng, Sting va rafiqasi Trudi Steyler barcha uchun bir nechta maslahat berdi. Xonanda turmush haqida ko‘p narsalarni bilishini tan oladi: “Bu qandaydir mo‘jiza, lekin biz nikohni muhim deb qabul qilmaymiz. Biz do‘stmiz, bir-birimizni yaxshi ko‘ramiz, aslida bir-birimizga juda yoqamiz va bu muhim farq. Sevgi — bu ehtiros va shularning barchasi, lekin aslida kimnidir sevish va kim bilandir zavqlanish biroz boshqacha tushunchalar, chunki ikkinchisi ancha uzoq davom etadi. Agar sevgilingiz eng yaqin do‘stingizga aylansa, ikkala tuyg‘udan ham bahramand bo‘lishingiz ham mumkin”.

Eshli Grem: “O‘yin ham o‘ynab turing”

Supermodel va uning eri Jastin Ervinning aytishicha, janjaldan so‘ng ular yarashish uchun “o‘yin” o‘ynashadi. O‘yinning mohiyati shundaki, bir kishi boshqasini maqtaydi, keyin esa aksincha. “Janjaldan so‘ng yarashsangiz ham nimadir yetmayotgandek, taranglik hali ham saqlanib qolgandek tuyuladimi? Biz bundan shunday o‘yinlar bilan qutulamiz. Bu usul sizni tinchlantiradi va haqiqiy hayotga qaytaradi”, — deydi Grem.

Xyu Jekman: “Bir jamoa bo‘ling”

O‘zining shuhrati va ko‘plab obro‘li mukofotlariga qaramay, “Eng buyuk shoumen” filmi yulduzi u uchun yigirma yildan beri turmush qurgan ayoli Deborra-Li Furness har doim eng birinchi o‘rinda qolishini aytadi. “Hatto ‘Oskar’ marosimida ham men sahnaga chiqib, qo‘limni yuragimga qo‘yaman va doim Debga qarayman. Shuningdek, xotinim kelmaguncha kiyinish xonamda hech kimni ko‘rishni xohlamayman. Chunki u mening tayanchim, tog‘im, oilamizning asosi va mening hayotimdir” — deydi aktyor.

Bleyk Layvli: “Biz bir vaqtda ishlamaymiz”

Aktrisaning havas qilarli nikohi hech kimni befarq qoldirmaydi, juftlik har doim va har kuni bir-birlari bilan hazillashib, ijtimoiy tarmoqlarda o‘z sevgisini izhor qiladi. Biroq qizg‘in suratga olish jadvali haqida gap ketganda, Layvli va turmush o‘rtog‘i Rayan Reynolds ularning loyihalari o‘zaro munosabatlariga to‘sqinlik qilmasligiga harakat qilishini aytadi. “Erim bilan men bir vaqtda ishlamaymiz, shuning uchun biz doimo birgamiz. Agar oramizdan kimdir ketadigan bo‘lsa, bu bir kundan ortiq bo‘lishi mumkin, undan uzoq emas”, — deydi aktrisa.

Kris Xemsvort: “Qanchalik charchaganingizdan qat’i nazar, uchrashuv uyushtirib turish shart”.

Albatta, ba’zida hayotda muammolar bo‘lishi mumkin. Ammo uchta farzandni tarbiyalayotgan Tor roli ijrochisi va uning rafiqasi Elza Pataki har doim romantik uchrashuvlarga vaqt ajratadi. “Bolalaringiz bo‘lganida, bo‘sh vaqtingizning har bir lahzasi ularga sarflanadi. Va keyin sizda bir-biringiz uchun hech narsa qolmaydi. Har besh yilda bir marta bo‘lsa ham, kechqurun rejalashtirilgan kuningiz borligiga ishonch hosil qiling, chunki aksariyat hollarda siz juda charchaysiz va uxlashni afzal ko‘rasiz”, — deydi Kris.

Uill Smit: “Munosabatlar ortidagi mashaqqatli mehnatga tayyor turing”

Turmush qurish oson ish emas. Chorak asrdan beri baxtli turmush kechirayotgan aktyor va uning rafiqasi Jadi Pinkett Smit bunga yorqin misol. Aktyorning xonanda Alsina bilan vaqtincha munosabatlari va xotiniga xiyonat qilishiga qaramay, er-xotin birgalikda hayot yo‘llarini davom ettirmoqda. “Biz o‘zimizdan turmushimizning siri nimada deb so‘radik va oxir-oqibat bir-birimizni qo‘yib yubormaslik degan qarorga keldik. Aytishim mumkinki, biz hech qachon munosabatlarimiz ustida ishlamaganmiz. Biz faqat o‘zimiz ustimizda ishladik. Keyin esa bir-birimizga o‘zimizning eng yaxshi versiyamizni taqdim etdik”, — dedi ikki farzandning otasi.

Salma Hayek: “Ish jadvalingizni tashlab yuboring”

Salma va uning turmush o‘rtog‘i Fransua-Anri Pino uchun keraksiz ijtimoiy voqealardan qochish — bu muvaffaqiyatli munosabatlar kalitidir. “Men yaxshi yigitga turmushga chiqdim. Bu — eng muhim narsa. Biz barcha ishlarda bir-birimizni qo‘llab-quvvatlaymiz. Biz birgalikda vaqt o‘tkazishni juda yaxshi ko‘ramiz”, — deydi aktrisa.

Devid Bekhem: “Bir-biringizga ishoning”

Sobiq sportchi va uning rafiqasi Viktoriya Bekhem 1999-yilda turmush qurgan va shu vaqtdan beri birga yashamoqda. Ularning muvaffaqiyatli munosabatlarining siri nimada? “Biz 18 yildan beri birgamiz. Inson bir-biriga ishonishi kerak. Menimcha, aynan shu narsa muvaffaqiyatli nikoh sirimizga aylandi”, — deb tushuntiradi to‘rt farzandning otasi.

Nikol Kidman: “Bir-biringizga yoqishga harakat qiling”

Nikoh haqida gap ketganda, sevib qolish tabiiy narsa. Ammo uchqunni chuqurroq munosabatlarga olib borish Kidman va uning eri Keyt Urban uchun katta ahamiyatga ega. “Faqat bir-biringizni seving. Va bu haqiqatan ham ishlaydigan yagona usul”, — deydi Kidman qo‘shiqchi eri bilan baxtli munosabatlar siri haqida gapira turib.