Yillar hamma qatori yulduzlarning tashqi ko‘rinishiga ham ta’sir qilmay qolmaydi. Ularning karyerasini boshlagandagi va hozirgi fotolari solishtirilsa, bunga amin bo‘lish mumkin.
Bred Pitt
Gollivud yulduzi ilk bor 1988-yilda “Quyoshning qorong‘i tomoni” filmida suratga tushgan. Unda kamyob kasallikdan aziyat chekadigan qahramonni gavdalantirgan. 2004-yilda esa “Troya”da Axillasni gavdalantirgan. Film ekran yuzini ko‘rgandan keyin kassalarda 497 million dollar to‘plangan. Bugungi kunda ham suratga tushishda davom etayotgan aktyor so‘nggi marta “Ad astra” filmida rol o‘ynagan.
Juliya Roberts
Ilk marta “O‘t o‘chirish jamoasi” filmida epizodik rol ijro qilgan Juliya 1990-yilda “Chiroyli ayol”dagi ishtirokidan keyin mashhurlikka erishgan. 2008-yildagi “Uyga qaytish” seriali ekran yuzini ko‘rganidan keyin esa tanqidchilar Robertsning kichik ekrandagi debyutini muvaffaqiyatli deb baholagan.
Leonardo Di Kaprio
“Mahluqlar-3” filmida ilk bor suratga tushgan Di Kaprio 1997-yilda “Titanik”dan keyin yulduzga aylangan. 2019-yil 21-mayda esa Di Kaprio asosiy qahramonlardan birining rolini ijro qilgan Kventin Tarantinoning “Bir kuni Gollivudda” filmi premyerasi bo‘lib o‘tgan.
Nikol Kidman
Nikol ilk marta “O‘rmondagi rojdestvo” filmida suratga tushganida 16 yoshda bo‘lgan. 1989-yildagi “O‘lik sukunat”dan keyin mashhurlikka erishgan Kidman ishtirokidagi “The Undoing” mashhur seriallardan biriga aylangan.
Mettyu Makkonaxi
Karyerasini reklama roliklari va musiqiy kliplarda ishtirok etishdan boshlagan Makkonaxi ilk marta 1992-yilda “Ochilmagan sir” serialida suratga tushgan. “Dallas xaridorlar klubi” filmidagi ishtiroki uchun “Oltin Globus” va “Oskar”ga ega bo‘lgan aktyor 2019-yilda Gay Richining “Jentelmenlar” filmida rol o‘ynagan. 22 million dollar sarflangan film dunyo prokatida 115 million dollar to‘plagan.
Keyt Uinslet
1991-yildan suratga tushishni boshlagan Keyt “Titanik”dan keyin Gollivud yulduziga aylangan. U so‘nggi marta 2021-yilda “Isttaunlik Meyr” detektiv serialida ishtirok etgan.
Mett Deymon
Mett 18 yoshida “Mistik pitssa” komediyasida ishtirok etgan. “Zakovatli Uill Xanting”dan keyin mashhurlikka erishgan aktyor so‘nggi marta “Ford ferrariga qarshi” filmida Keroll Shelbi rolini gavdalantirgan.
Penelopa Krus
Krus ilk marta 1992-yilda “Jamon Jamon” filmida suratga tushgan. 2001-yilda ishtirok etgan “Vanilli osmon” filmi prokatda 200 million dollar to‘planishiga sababchi bo‘lgan. 2019-yilda esa Netflix tomonidan suratga olingan “Afera Mayamida” filmida rol ijro qilgan.
Skarlett Yoxansson
Ilk bor katta ekranda 9 yoshida ko‘rinish bergan aktrisa “Nort” filmida rol ijro qilgan. 2004-yildagi “Match-Point” kartinasi aktrisa “Oltin Globus”ga to‘rt karra nomzod bo‘lishiga sababchi bo‘lgan. “Qora beva” filmidagi Natasha Romanoff so‘nggi omadli ijrolaridan biri hisoblanadigan aktrisa 2020-yilda “Nikoh haqidagi hikoya” filmi uchun eng yaxshi aktrisa, “Quyoncha Jojo” sabab esa ikkinchi darajali eng yaxshi aktrisa yo‘nalishlariga nomzodi qo‘yilgan. Ammo mukofot Rene Zellveger va Lora Dernga nasib qilgan.
Tom Xenks
Tomning aktyorlik karyerasi “U yolg‘iz ekanligingizni biladi” filmidan boshlangan. “Forrest Gamp”dan keyin mashhurlikka erishgan Xenks ijrosidagi “Greyxaund” kartinasi 2020-yilda ekran yuzini ko‘rgan.
Sheron Stoun
Ilk bor Vudi Allenning “Stardust xotiralari” filmida suratga tushgan. 1992-yilda “Asosiy instinkt”da Ketrin Tramellni gavdalantirgan. 2020-yilda esa ishtirokidagi “Retched” seriali ekran yuzini ko‘rgan.
Entoni Xopkins
1968-yilda “Qishdagi arslon” filmida suratga tushgan aktyor “Qo‘zilar sukunati”dagi ijrosi sabab tanqidchilar tomonidan e’tirof etilgan. 2020-yilda suratga tushgan “Ota” filmidagi ijrosi sabab esa 83 yoshida eng yaxshi aktyor sifatida “Oskar”ga sazovor bo‘lgan.
Izoh (0)