Polkovnik Ravshan Sultonxo‘jayev Toshkent shahar IIBB boshlig‘i o‘rinbosari — Huquqbuzarliklar profilaktikasi boshqarmasi boshlig‘i etib tayinlandi. Bu haqda IIBB matbuot xizmati xabar berdi.
Tayinlovga qadar u 2020-yilning aprel oyidan buyon Toshkent shahar IIBB Tashkiliy boshqarma boshlig‘i lavozimida ishlab kelayotgandi. Undan avval esa IIV Tezkor-qidiruv hamkorligi boshqarmasi boshlig‘ining o‘rinbosari bo‘lgan.
Avvalroq polkovnik Timur Xolmatov Toshkent shahar IIBB boshlig‘ining o‘rinbosari — Xavfsiz turizmni ta’minlash boshqarmasi boshlig‘i etib, polkovnik Husniddin Shamsutdinov esa Toshkent shahar IIBB Moliya va moddiy-texnika ta’minoti boshqarmasi boshlig‘i vazifasiga tayinlangandi.
Shuningdek, Koson tumani IIB boshlig‘i Shahrisabz IIBga boshliq etib tayinlangani, Navoiy va Andijon viloyati IIBga yangi boshliqlar tayinlangani, Toshkent shahar IIBBda tayinlovlar amalga oshirilgani, Uychi va Kosonsoy tumanlari IIBga boshliqlari o‘zgargani haqida xabar berilgandi.
Izoh (0)