Haftaning bir kuni xorijiy tillarni o‘zlashtirish va o‘rganish kuni etib belgilanadi. Bu haqda Shavkat Mirziyoyev raisligida o‘tkazilgan chet tillarini yanada rivojlantirishga bag‘ishlangan videoselektor yig‘ilishida ma’lum qilindi, deya xabar qilmoqda “Daryo” muxbiri.
“Har bir vazirlik, idora, davlat kompaniyalari va yirik xususiy korxonalarda chet tillarini o‘rganishni ommalashtirishimiz zarur. Bunda haftaning bir kuni xorijiy tillarni o‘zlashtirish va o‘rganish kuni etib belgilanadi.
Buning uchun vazirlik va idoralar, hokimliklar oliygoh va xususiy ta’lim tashkilotlari mutaxassislarini shartnoma asosida jalb qilib, xodimlarga chet tilini o‘rgatishni va xorijiy tillarda ishlashni yo‘lga qo‘yadi.
Kelgusi yildan boshlab davlat idoralariga ishga qabul qilish va yangi lavozimga tayinlashda xorijiy tilni bilishning majburiy talabi kiritiladi. Bu qattiq talab, shunga intilmasak, keyin kech bo‘ladi. Hokimlar ham hokim bo‘lishi uchun til bilishi kerak. Hammaga bir yil vaqt beramiz.
Chet tilini chuqur egallagan xodimlarning ish haqiga 20 foizgacha qo‘shimcha ustama belgilash tartibi joriy etiladi”, – dedi davlat rahbari.
Mavzuga doir:
- “Oliygohlardagi 78 foiz professor-o‘qituvchilarning chet tilini bilish darajasi qoniqarsiz ahvolda” — Shavkat Mirziyoyev
- “Maktab o‘qituvchilariga yangi adabiyot va qo‘llanmalarni sotib olish uchun budjetdan 1 million so‘mdan mablag‘ ajratiladi” – Shavkat Mirziyoyev
- Shavkat Mirziyoyev O‘zbekistondagi qishloqlarda nodavlat o‘quv markazlarini rivojlantirishga katta e’tibor qaratilishini aytdi
- Shavkat Mirziyoyev JIDUda BMT bilan hamkorlikda Chet tillarini chuqur o‘rgatish markazi tashkil etilishini ma’lum qildi
Izoh (0)