O‘zbekistonda to‘liq chet tillarida efirga uzatiladigan yangi tele va radiokanallar ishga tushiriladi. Bu haqda Shavkat Mirziyoyev raisligida o‘tkazilgan chet tillarini yanada rivojlantirishga bag‘ishlangan videoselektor yig‘ilishida ma’lum qilindi, deya xabar qilmoqda “Daryo” muxbiri.
“Mas’ul tashkilot rahbarlari yil yakuniga qadar xususiy sektor bilan hamkorlikda tilni o‘rgatuvchi interaktiv materiallarning internet-platformasi va mobil ilovalarini yaratib, maktab va bog‘chalarda ommabop videodarslardan keng foydalanishni yo‘lga qo‘ysin.
Keng aholi qatlamining nutq va muloqotini rivojlantirishga qaratilgan chet tillaridagi multfilm, hujjatli va badiiy filmlarni hamda eshittirishlarni ko‘paytirsin. Bunga taniqli madaniyat va san’at vakillari, sportchi va blogerlarni faol jalb qilish zarur.
Shuningdek, Alisher Xodjayev uch oy muddatda ko‘rsatuv va eshittirishlar 24 soat davomida to‘liq chet tillarida efirga uzatiladigan yangi tele va radiokanallarni ishga tushirsin. Bunda, har kuni kamida 3 soatlik dastur xorijiy tillarni onlayn o‘rgatishga ajratiladi.
Umarov, Sodiqov ikki oy muddatda xorijiy mutaxassislarni jalb qilgan holda joylardagi 128 ta IT-markazlarda yoshlarni chet tillariga onlayn o‘rgatish kurslarini yo‘lga qo‘ysin. Bunda, til o‘rganish xarajatlarining bir qismi Yoshlar jamg‘armasi hisobidan qoplab beriladi”, – dedi Shavkat Mirziyoyev.
Yig‘ilishga oid boshqa xabarlar:
- “Oliygohlardagi 78 foiz professor-o‘qituvchilarning chet tilini bilish darajasi qoniqarsiz ahvolda” — Shavkat Mirziyoyev
- “Maktab o‘qituvchilariga yangi adabiyot va qo‘llanmalarni sotib olish uchun budjetdan 1 million so‘mdan mablag‘ ajratiladi” – Shavkat Mirziyoyev
- Shavkat Mirziyoyev O‘zbekistondagi qishloqlarda nodavlat o‘quv markazlarini rivojlantirishga katta e’tibor qaratilishini aytdi
- Shavkat Mirziyoyev JIDUda BMT bilan hamkorlikda Chet tillarini chuqur o‘rgatish markazi tashkil etilishini ma’lum qildi
- O‘zbekistondagi ta’lim maskanlariga xorijlik o‘qituvchilar jalb qilinadi
- “2022-yildan ishga qabul qilinayotgan chet tili o‘qituvchilaridan milliy va xalqaro sertifikatga ega bo‘lish talab qilinadi” — Shavkat Mirziyoyev
- “Chet tillari bo‘yicha yuqori ko‘rsatkichlarga erishgan maktablar uchun Prezident sovrini ta’sis etiladi” — Shavkat Mirziyoyev
- “Ta’lim tizimida 2 mingdan ortiq chet tili o‘qituvchilari lavozimi vakant bo‘lib qolmoqda” — Shavkat Mirziyoyev
- Shavkat Mirziyoyev: “Ta’lim muassasalari bitiruvchilari kamida 2 ta chet tilini mukammal bilishi shart”
- O‘zbekistonda Xorijiy tillarni o‘rganishni ommalashtirish agentligi tashkil etiladi
Izoh (0)