Ijtimoiy tarmoqlarda bir erkakning ayolni kaltaklayotgani aks etgan video tarqaldi. Unda voqea Surxondaryoda bo‘lgani, qaynaka uy talashib kelinni urgani aytilgan. Surxondaryo viloyati IIB ushbu xabarlar yuzasidan rasmiy ma’lumot berdi.
Ma’lum qilinishicha, videodagi holat Denov tumanida yuz bergan. Tumanning “Buyuk ipak yo‘li” mahallasida yashovchi Q.S. 22-aprel kuni viloyat IIB 102 raqamiga qo‘shnisi X.G. urib tan jarohati yetkazganligini ma’lum qilgan. Ushbu murojaat, shuningdek, tuman markaziy kasalxonasining 25-apreldagi xabarnomasi navbatchilik qismida qayd etilib, holat yuzasidan surishtiruv harakatlari tuman IIO FMB 2-son IIB tomonidan olib borilmoqda.
Fuqaro Q.S.ning murojaatlari bo‘yicha sud-tibbiyot ekspertizasi o‘tkazilgan va kaltaklangan ayolning olgan tan jarohati yengil tan jarohati toifasiga kiradi deb xulosa chiqarilgan.
Ayni paytda holat yuzasidan surishtiruv ishlari olib borilayotganligi sababli yakuni bo‘yicha qo‘shimcha axborot berilishi bildirilgan.
Mavzuga doir:
Izoh (0)