O‘zbekistonlik inson huquqlari himoyachisi Sur’at Ikromov 76 yoshida Toshkentdagi uyida vafot etdi. Uning rafiqasi 3-may kuni ertalab soat 7 larda Surat Ikromovning yuragi urishdan to‘xtagani haqida BBC News o‘zbek xizmatiga ma’lum qilgan.
Sur’at Ikromov 1945-yili Toshkent shahrida tug‘ilgan. Mutaxassisligi bo‘yicha radioaloqa va radioeshittirishlarni efirga uzatish bo‘yicha injener bo‘lgan. U bosmaxonada ishlagan, fotomuxbir sifatida suratlari gazetalarda e’lon qilingan.
Qayd etilishicha, Sur’at Ikromov o‘z faoliyati sabab ko‘plab ta’qiblarga uchragan. Shunga qaramay, u O‘zbekistondagi inson haqlarini himoya qilishda davom etgan, hibsga olish, dastlabki tergov, sud va qamoqxonalardagi inson huquqlari poymol etilishi holatlarini ommaga oshkor qilib kelgan.
Avvalroq Koson prokurori o‘rinbosari 41 yoshida yurak xurujidan vafot etgani, Bosh prokuratura jamoatchilik bilan aloqalar va huquqiy axborot bo‘limi prokurori Samir Rahmonov 33 yoshida vafot etgani, O‘zbekistonning Belarusdagi elchixonasi xodimi koronavirus oqibatida vafot etgani, O‘zbekiston Qahramoni Hasan Normurodov 82 yoshida olamdan o‘tgani haqida xabar berilgandi.
Izoh (0)