Farg‘ona neftni qayta ishlash zavodining 100 foiz ulushi sotuvga qo‘yildi. Bu haqda UzAssets investitsiya kompaniyasiga tayanib, Spot xabar berdi.
Mamlakatdagi eng yirik korxonalardan biri
Farg‘ona NQIZ — O‘zbekistonda neftni qayta ishlash hajmi bo‘yicha yetakchi zavodlar orasida ikkinchi o‘rinda turadi. Hozirda ishlab chiqarish quvvati — yiliga 2 million tonna, 2020-yilda utilizatsiya koeffitsiyenti 50 foizga ortgan.Bu yerda neft mahsulotlari va yoqilg‘i-moylash materiallarining 60 turi, jumladan, “Yevro-4” va “Yevro-5” standartlariga javob beradigan dizel yoqilg‘isi ishlab chiqariladi.
2020-yilda 900 ming tonnadan ortiq neft xomashyosi qayta ishlangan (442 ming tonnadan ortig‘i — tolling, 822 ming tonnasi neft mahsulotlari ishlab chiqarilgan. 2020-yilda ko‘rilgan foyda 231 million dollarni, yalpi daromad — 54 million dollarni tashkil etdi. So‘nggi uch yil ichidagi o‘rtacha yalpi daromad 19 million dollarga teng.
Ariza berish jarayoni barcha uchun ochiq hisoblanadi. Qiziqish bildirgan shaxslar ingliz, rus yoki o‘zbek tilida 28-mayga qadar xat shaklida ariza berishi mumkin. Bitimga oid va bog‘lanish bo‘yicha batafsil ma’lumotlar bilan quyidagi havola orqali tanishish mumkin.
Bu birinchi urinish emas
O‘zbekiston Prezidentining 2019-yil 10-apreldagi qaroriga ko‘ra (hozirda amalda), Indoneziyaning RT Trans Asia Resources kompaniyasi “O‘zneftmahsulot”ning Farg‘ona neftni qayta ishlash zavodida 100 foiz davlat ulushini 16 million dollar miqdorida boshlang‘ich to‘lovini amalga oshirishi orqali olishi kerak edi. Vazirlar Mahkamasining 25-apreldagi qarori bilan (u ham hamon kuchda) davlat ulushini amalga oshirish shartlari e’lon qilingan, jumladan, Farg‘ona neftni qayta ishlash zavodi aylanma mablag‘lari uchun kamida 120 million dollar jalb etish belgilangan. Bundan tashqari, o‘zbekistonlik A’zam va Omon Aslanovlar zavodni modernizatsiyasi va kelajakda rivojlantirishga oid rejalari bilan bo‘lishgandi.Biroq Davlat aktivlarini boshqarish agentligi ma’lumotlariga ko‘ra, Farg‘ona neftni qayta ishlash zavodini Jizzakh Petroleum QK MChJ ishonchli boshqaruviga berish bo‘yicha qaror qabul qilingan. Jizzakh Petroleum qo‘shma korxonasi “O‘zbekneftgaz” va Gas Project Development Central Asia tomonidan 2017-yil iyunda yaratilgan. Loyiha ko‘ra, ustav kapitalidagi ishtirokchilar ulushini “O‘zbekneftgaz” ulushining 60 foizdan 30 foizgacha pasayishi va xorijiy muassislar ulushini 40 foizdan 70 foizgacha o‘sishi bilan qayta taqsimlandi.
Iyun oyida muassislar tarkibi quyidagicha: Kiprdan Belvor Holding Limited (68 foiz), “O‘zbekneftgaz” (30 foiz) va Gas Project Development Central Asia (2 foiz), hozirda “O‘zbekneftgaz” va Belvor Holding Limited o‘rtasidagi ulush 49 foiz bo‘lib taqsimlangan.
Izoh (0)