Namanganda velosipedchini urib yuborib, voqea joyidan qochib qolgan haydovchi tezkorlik bilan topildi, deya xabar qilmoqda YHXBB.
Qayd etilishicha, 2021-yilning 27-aprel kuni soat 13:00 larda Namangan viloyati Norin tumani “To‘lqin” MFY hududidan o‘tuvchi 4K-433 avtomobil yo‘lining 3-kilometrida velosipedda harakatlanib ketayotgan, 1980-yilda tug‘ilgan A.T.ni Kia rusumli avtomobilda urib yuborgan haydovchi birinchi tez tibbiy yordam ko‘rsatmasdan voqea joyidan ketib qolgan.
Velosipedchi tan jarohati bilan shifoxonaga olib ketilgan.
Namangan viloyati IIB YHXB xodimlari tomonidan olib borilgan tezkor-surishtiruv ishlari natijasida Kia rusumli avtomobil va uni boshqargan haydovchi, 1965-yilda tug‘ilgan S.X. topilgan.
Mazkur YTH yuzasidan Norin tumani IIB TB tomonidan dastlabki surishtiruv harakatlari olib borilmoqda.
Bundan avval Sirdaryoda YPX xodimini “ishdan quritib yubormoqchi” bo‘lgan haydovchiga nisbatan chora ko‘rilgani, Sergelida Isuzu bilan to‘qnashgan Damas ag‘darilib ketgani hamda Toshkentda haydovchilik guvohnomasi bo‘lmagan 17 yoshli yigit boshqaruvidagi Nexia yuk avtomobiliga urilgani haqida xabar berilgandi.
Izoh (0)