Xorazm viloyatining Urganch tumanida 63 yoshli otaxon Tico’ni olib qochdi. Bu haqda IIV Tergov departamenti xabar berdi.
Ma’lum qilinishicha, 23-aprel kuni soat 00:05 da 37 yoshli P.O. Tico avtomashinasini noma’lum shaxs olib qochgani haqida Urganch tuman IIBga xabar bergan.
Olib borilgan tezkor-qidiruv va viloyat miqyosida e’lon qilingan to‘sib ushlash tadbiri davomida ushbu avtomashinani muqaddam 3 marotaba sudlangan 63 yoshli O.A. mast holatda olib qochgani aniqlanib, avtomashinani boshqarib ketayotganida qo‘lga olingan.
Holat yuzasidan Urganch tumani IIB huzuridagi tergov bo‘limi tomonidan Jinoyat kodeksining 267-moddasi 1-qismi (transport vositasini olib qochish) bilan jinoyat ishi qo‘zg‘atilib, qamoqqa olish tarzidagi ehtiyot chorasi qo‘llanilgan.
Hozirda tergov davom etmoqda.
Avvalroq Toshkentda 4-sinf o‘quvchisi Nexia-3’ni olib qochgani, Andijondan olib qochilgan Spark Namanganda ehtiyot qismlariga ajratilgan holda topilgani, Navoiyda o‘g‘rilik uchun 5 yil qamalib chiqqan shaxs 2 oy o‘tmay IIB xodimi Lacetti’sini olib qochmoqchi bo‘lgani to‘g‘risida xabar berilgandi.
Izoh (0)