Internetda yangi Toyota Land Cruiser 300’ning ilk videosi paydo bo‘ldi. Guvohlardan biri Toyota zavodi turargohini videoga olishga muvaffaq bo‘lgan — maydonchada o‘nlab yo‘ltanlamaslarni ko‘rish mumkin va ularda maskirovka plyonkasi mavjud emas, deb yozadi Motor.
Toyota hamon Land Cruiser 300’ning premyerasi borasida hech qanday izoh bermagan, yangi modelning tashqi ko‘rinishi endilikda sir emas. 300’ning saloni surati fevral boshida paydo bo‘lgandi.
https://www.instagram.com/p/CN_zy3ihfEH/
Insayderning ta’kidlashicha, Land Cruiser lonjeron rom, qirqilmagan orqa ko‘prik, uzatmalarni kamaytiruvchi muntazam to‘liq uzatma va g‘ildiraklar orasidagi differensialni bloklovchi funksiyaga ega bo‘ladi. Ammo arxaik olti pog‘onali uzatmalar qutisi o‘rnini gidrotransformatorga ega 10 pog‘onali uzatmalar qutisi egallagan, V8 motorlar oilasi esa o‘z o‘rinini V6 dvigatellarga bo‘shatib beradi.
Toyota Land Cruiser 300’ga oid to‘liq ma’lumot bahor oxiriga qadar e’lon qilinadi, chunki ishlab chiqarilgan “uch yuzlar” soniga ko‘ra, modelning tajribaviy ishlab chiqarishi allaqachon boshlangan.
Eslatib o‘tamiz, 2020-yilning yozida Toyota Land Cruiser Prado mexanik uzatmalar qutisidan voz kechishi ma’lum bo‘lgandi.
Izoh (0)