Toshkentning Yashnobod tumanida 26-aprel kuni to‘rt avtomobil ishtirokida yo‘l-transport hodisasi yuz berdi, deya xabar bermoqda Toshkent shahar IIBB matbuot xizmati.
Farg‘ona yo‘li ko‘chasida Toshkent viloyatida yashovchi 49 yoshli Qodir A. boshqaruvidagi “ZIL”, Buxoro viloyatida yashovchi 26 yoshli Murodjon X. boshqaruvidagi “KamAZ”, Toshkent viloyatida yashovchi 24 yoshli Asrorjon A. boshqaruvidagi Lacetti va Navoiy viloyatida yashovchi 53 yoshli Eldor R. boshqaruvidagi Spark o‘zaro to‘qnashgan.
“Dastlabki ma’lumotlarga ko‘ra, YTH Spark avtomobili haydovchisi boshqaruvni yo‘qotishi sababli yuz bergan, oqibatda u Lacetti va ‘KamAZ’ga borib urilgan, o‘z navbatida Lacetti ‘ZIL’ bilan to‘qnashgan”, — deyiladi IIBB axborotida.
Hodisa oqibatida tan jarohati olganlar yo‘q. Toshkent shahar IIBB hodisa yuzasidan surishtiruv ishlarini olib bormoqda.
Mavzuga doir:
- Sergelida Isuzu bilan to‘qnashgan Damas ag‘darilib ketdi
- Buxoroda Lasetti haydovchisining uxlab qolishi oqibatida YTH sodir bo‘ldi
- Toshkentda haydovchilik guvohnomasi bo‘lmagan 17 yoshli yigit boshqaruvidagi Nexia yuk avtomobiliga urildi
- Surxondaryoda Nexia-2 beton to‘siqqa urilishi oqibatida haydovchining otasi vafot etdi
Izoh (0)